Депутат "айрым күчтөр" жынысын алмаштырууга тыюу салган мыйзамга сот аркылуу каршы чыгышы мүмкүн деп кооптонууда

Депутат Карыбек уулу Улукбек жынысын алмаштырууга тыюу салган мыйзам долбооруна каршы чыккандар болушу мүмкүн деген тынчсыздануусун билдирди Ал мыйзам долбоорун колдой турганын, бирок келечекте аны жокко чыгаруу коркунучун жоюу үчүн сапаттуу экспертиза жүргүзүү маанилүү экенин белгиледи. Анын пикиринде, каршы турган “күчтөр” бар "Конституция, ошондой эле Кыргызстан катышкан эл аралык келишимдер бар. Бул мыйзам долбоору бул принциптерге канчалык дал келээри боюнча министрлер кабинети экспертиза жүргүзгөн? Бул мыйзам долбоору кылдаттык менен каралышы керек, бул курч тема. Каршы болгондор да бар, бул мыйзам долбооруна каршы чыккандардын эртең Конституциялык палатага кайрылып, аны оңой эле кайтарып алышына жол бербөө керек", - деди ал Мыйзам долбоорунун демилгечилеринин бири Болот Сагынаев мыйзам долбоору Конституциянын негизги принциптерине каршы келбейт деп жооп берди Дагы бир демилгечи Марлен Маматалиев мыйзам долбоору министрлер кабинетинде экспертизадан өтүп, Жогорку Кеңештин юридикалык бөлүмү да изилдей турганын кошумчалады