Жерге мунапыс боюнча депутат: Мыйзамды сыйлаган жарандар жер басып алгандардан да жаман абалда калышты

Бишкек (АКИpress) – Жогорку Кеңештин депутаты Махабат Мавлянова жер амнистиясын ишке ашырууда «шахмат» деп аталган жер тилкелеринин ээлеринин кызыкчылыктарын эске алууну сунуштады Тиешелүү кайрылууну ал 4-июнда «Жер-укуктук мамилелерди жөнгө салуу жөнүндө» мыйзамга өзгөртүү киргизүү тууралуу мыйзам долбоорун талкуулоо учурунда жасады Депутаттын айтымында, учурда жер амнистиясынын алкагында 2021-жылга чейин тиешелүү документтери жок курулган жер тилкелери, турак-жай жана башка объектилер мыйзамдаштырылган Анын айтымында, мамлекеттин мыйзамдуу чечимдеринин кабыл алынышын күтүп, жер тилкесинде курулуш баштабай жаткан жарандар кыйын абалга кептелди "Бүгүнкү күндө 2021-жылга чейин мыйзамсыз курулган үйлөр, жер тилкелери мыйзамдаштырылып жатат. Бирок мыйзамды сактап, чечимдердин күчүнө киришин күтүп, үй салбай калгандар бар. Алар бул процесстердин алкагынан сыртта калган", — деди Мавлянова Анын айтымында, мындай жерлердин көбү «шашка» деп аталган жерлерге кирет. Анын үстүнө алардын айрымдары айыл чарба өсүмдүктөрүн өстүрүүгө жараксыз таштак жерлерде жайгашкан Депутат мындай маселелерди кароодо жергиликтүү тургундардын пикири жетиштүү эске алынбай жатат деп эсептейт Мындан улам ал жер мунапыс боюнча комиссиянын курамына жеринде абал менен түздөн-түз тааныш, калктын кызыкчылыгын коргой алган айыл аксакалдарын киргизүүнү сунуштады "Элдин үнү угулбай жатат. Ушундай эле кайрылуулар Ноокаттан жана башка райондордон да түшүп жатат. Балким, айыл башчысын комиссияга киргизсе болмок", - деди депутат Мавлянованын айтымында, аймактардын жашоочулары талаштуу жер маселелерин кароодо формалдуу критерийлер гана эмес, жер тилкелеринин иш жүзүндөгү абалы, ошондой эле өз убагында жер амнистиясына кире албаган жарандардын кызыкчылыктары да эске алынат деп күтүшөт