Түркмөнстандын делегациясы БУУнун кылмыштуулуктун алдын алуу жана жазык сот адилеттиги боюнча комиссиясынын сессиясына катышты

Түркмөнстандын Башкы прокурорунун орун басары жетектеген Түркмөнстандын делегациясы 2026-жылдын 1-июнунан 5-июнуна чейин Венада өтүп жаткан Бириккен Улуттар Уюмунун Кылмыштуулуктун алдын алуу жана жазык сот адилеттиги боюнча комиссиясынын (CCPCJ) 35-сессиясына катышууда. Бул тууралуу Түркмөнстандын ТИМи билдирди Сессиянын жүрүшүндө Бириккен Улуттар Уюмуна мүчө мамлекеттердин өкүлдөрү жазык сот адилеттиги системасын чыңдоо, мыйзам үстөмдүгүнө көмөк көрсөтүү жана трансулуттук уюшкан кылмыштуулук менен күрөшүүдө эл аралык кызматташтыкты арттыруу маселелерин талкуулашууда Түркмөн делегациясынын башчысы өз билдирүүсүндө Түркмөнстандын трансулуттук уюшкан кылмыштуулукка каршы күрөштө эл аралык жана аймактык кызматташтыкты илгерилетүүдөгү оң ролун баса белгиледи Өлкөдө уюшкан кылмыштуулуктун бардык түрлөрүн жоюу боюнча системалуу иш-чаралар жүргүзүлүп жатканы айтылды. Буга байланыштуу терроризмге, адам сатууга, коррупцияга, баңги заттарды мыйзамсыз жүгүртүүгө каршы күрөшүүгө багытталган улуттук программалардын кабыл алынышына шилтеме жасалды. Бул программалар толук көлөмдө аткарылып жатканы баса белгиленди