"Туруктуу шаарларды куруу үчүн секторлор аралык интеграция зарыл" - немис эксперти

"Туруктуу жана жашоого ылайыктуу шаарларды түзүү үчүн ар кандай секторлор ортосундагы интеграцияны күчөтүү керек" Бул тууралуу Германиянын Экономикалык кызматташтык жана өнүктүрүү федералдык министрлигинин энергетика, шаарды өнүктүрүү жана мобилдүүлүк бөлүмүнүн саясат боюнча башкы адиси Себастьян Герольд Бүткүл дүйнөлүк шаарды өнүктүрүү форумунун (WUF13) 13-сессиясынын алкагында өткөн «Суу конференциясы: Шаардык турак жай секторун өнүктүрүүнүн жол картасы» иш-чарасында билдирди Анын айтымында, тез урбанизацияга каршы күрөшүү максатында Германиянын өнүгүү кооперациясынын модели секторлор аралык мамилеге негизделген: "Шаарда адекваттуу турак жай жана татыктуу жашоо шарттары ишенимдүү суу-канализация кызматтарысыз мүмкүн эмес. Өнүктүрүү кооперациясынын алкагында ак ниет башкарууга, борбордон ажыратууга, комплекстүү пландаштырууга, жергиликтүү бийлик органдарынын финансылык көз карандысыздыгына жана кесиптик потенциалды жогорулатууга негизги көңүл бурулат" Турак жай, курулуш, мобилдүүлүк, суу жана таштандыларды башкаруу сыяктуу шаар секторлорунун ортосундагы байланышты мындан ары да чыңдоо керектигин айтты: "Негизги маселелердин бири секторлор ортосундагы тоскоолдуктарды жоюу жана биргелешип иштөө. Шаардын башкы пландары бул жаатта маанилүү курал боло алат"