16 жаштагы балдардын маалыматы автоматтык түрдө аскердик каттоого алынат (видео)

Өзбекстанда 16 жашка толгон жана ID-карта алган эркек балдар тууралуу маалымат Ички иштер министрлигинин маалымат тутумунан алынып, автоматтык түрдө аскердик эсепке түшө турган тартип киргизилет. Бул тууралуу Коргоо министри Шухрат Холмухаммедов Axborot 24 программасында билдирди 8-июнда президент Шавкат Мирзиёев коргоо тармагына байланыштуу бир нече маселелер боюнча баяндама менен таанышты. Презентацияда коргоо иштери боюнча органдардын ишине “нөл бюрократия” принцибин киргизүү максатында аскердик каттоону, медициналык комиссияларды жана чакыруу комиссияларын санариптештирүү боюнча сунуштар камтылган Сунушка ылайык, 16 жашка чыгып, ID карта алган эркек балдар тууралуу маалымат Ички иштер министрлигинин маалымат тутумунан алынып, аларды автоматтык түрдө аскердик эсепке алуу тартиби киргизилет Ошону менен бирге коргоо иштери боюнча бөлүмдөрдөгү медициналык комиссиядан өтүү тартиби жоюлат. Бардык медициналык кароо процедураларын райондук жана шаардык борбордук көп тармактуу поликлиникаларда өткөрүү пландалууда Коргоо министринин айтымында, бул сунуштарды ишке ашыруу жарандарды ачык-айкын санариптик кызматтар менен камсыз кылып, ашыкча бюрократия менен ыңгайсыздыкка чекит коёт Президент бардык сунуштарды жактырды жана бул багыттагы иштерди тездетүү боюнча бир катар тапшырмаларды берди Буга чейин Өзбекстанда Абадан коргонуу күчтөрүнүн жана Аскер-аба күчтөрүнүн командачылыгынын базасында Аскер-аба күчтөрүнүн күжүрмөн командачылыгы түзүлөөрү кабарланган