Дагы бир өлкө Орусияга болгон энергетикалык көз карандылыгын токтотту

Казакстан 2027-жылдан тарта Орусиядан электр энергиясын импорттоодон баш тартышы мүмкүн Бул тууралуу Казакстандын энергетика министринин орун басары Сунгат Есимханов билдирди Анын айтымында, өлкөдө энергетикалык күчтөрдүн өнүгүшүнүн натыйжасында энергетикалык баланстагы тартыштык акырындык менен жоюлууда. Учурда Казакстанда электр энергиясын өндүрүү менен керектөөнүн ортосундагы ажырым быйыл болжол менен 1-1,2 миллиард киловатт-саат деп болжолдонууда. Бул көрсөткүчтү 2027-жылга чейин нөлгө түшүрүү пландалууда Есимханов кошумчалагандай, 2024-жылы өлкөдө электр энергиясынын таңсыктыгы 2,1 миллиард киловатт-саат болсо, өткөн жылы 1,5 миллиард киловатт саатка жакын болгон Маалыматка ылайык, орусиялык «Интер РАО» компаниясы 2026-жылдын январь-март айларында электр энергиясынын экспортун 5,8 пайызга көбөйтүп, 2,12 миллиард киловатт-саатка чейин түзгөн. Экспорттун негизги бөлүгү Казакстан менен Грузияга туура келген Ошол эле мезгилде электр энергиясын импорттоо 3,7 пайызга кыскарып, 520 миллион киловатт-саатты түздү. Компаниянын кирешеси быйылкы жылдын биринчи кварталында 34,9 пайызга өсүп, 18,5 миллиард рублди түздү. Экспорттон түшкөн киреше 43,3 пайызга өсүп, 11,5 миллиард рублди түздү