Актөбө облусунда төрт айыл округунун акими шайланды

Ыргыз районунун Кызылжар айыл округунун акими болуп Аслан Жанибекулы шайланды. Аны "Аманат" партиясы көрсөткөн. Айылдагы 1200дөй адам шайлоого катышууга укуктуу. Алардын 800дөн ашыгы өз тандоосун жасаган. Жыйынтыгында Ыргыз районунун Куралы айылынын тургуну көпчүлүк добушка ээ болуп, ага 493 шайлоочу добуш берди Ошондой эле Хромтау районунун Кудыксай жана Тасөткел айыл округдарынын акимдери шайланды. Кудыксай айыл аймагы боюнча шайлоочулардын тизмесине болгону 181 жаран киргизилген. Анын ичинен 66 адам добуш берди. Хромтау райондук аймактык шайлоо комиссиясынын маалыматына караганда, Мурат Талдыкбаев 46 добуш алып, аким болуп шайланды. Буга чейин Кудыксайдагы негизги мектептин директорунун орун басары болуп иштеген. Тасөткел шайлоо округу боюнча шайлоочулардын тизмесине 281 жаран киргизилип, 152 жаран добуш берди. “Ауыл” партиясынан көрсөтүлгөн Асылбек Баймурзин көпчүлүк добушка ээ болду Темир райондук аймактык шайлоо комиссиясынын маалыматына караганда, Кайыңды айыл аймагынын депутаттыгына 36 жаштагы Раман Рашен шайланды. Ал буга чейин бул кызматта иштеген. Айыл боюнча шайлоочулардын тизмесине 417 адам кирсе, анын 252си Раман Рашевге добуш берген Буга чейин Актөбө облусунда ушул аптада Темир районунун Кеңкияк айыл аймагына өз жанын кыйган мурунку акимдин ордуна жаңы аким шайланары маалымдалган. Шайлоо 14-июнга белгиленген