CENTCOM Иран Оман деңизиндеги америкалык аскер кемелерине эскертүү иретинде ок чыгарганын четке какты

АКШнын Борбордук командачылыгы (CENTCOM) Иран Оман деңизиндеги америкалык согуштук кемелерге эскертүү иретинде ок чыгарган жана америкалык кемелерди Инди океанына чегинүүгө мажбурлаган деген билдирүүлөрдү четке какты Бул тууралуу CENTCOM билдирүү таратты Билдирүүдө ирандык күчтөрдүн АКШнын деңиз флотунун кемелерине кол салбаганы жана ок чыгарбаганы айтылат "Мындай кадам ок атышпоо келишимин одоно бузуу болот", — деп айтылат билдирүүдө Командачылык кошумчалагандай, америкалык күчтөр аймактын сууларында эркин аракеттерин улантып, Иранга каршы блокаданын ишке ашырылышын камсыздайт Иран Оман деңизинде АКШнын согуштук кемелерине ракета жана учкучсуз учак менен чабуул жасады "Tasnim" агенттигинин маалыматына ылайык, бул тууралуу Иран армиясы билдирүү таратты Эскертүү максатында Оман деңизинде АКШнын «ДДГ-103» жана «ДДГ-87» эсминецтери багытында «Кадир» тибиндеги ракета жана жаңы типтеги учкучсуз учактар учурулганы белгиленди Андан кийин ал эсминецтер Инди океаны тарапка тартылганы кабарланган Кошумчалай кетсек, америкалык тик учак ташыган "Триполи" амфибиялык кемеси да Оман деңизинен чыгып кеткен Ирандын армиясы эгер АКШ "каракчылыкты" уланта берсе, келечекте узак аралыкка учуучу ракеталар колдонула турганын эскертти