“Казакмыстың” мурдагы “кызы” биржадан 4,5 миллиард долларга кетип жатат

Абай районундагы Айдарлы жез-молибден кенин иштете турган «Aidarly Project» АКсы KASE биржасынан акцияларын чыгарып жатат, деп билдирет Orda.kz 2026-жылдын 18-майынан тартып «Айдарлы Проект» АКсынын акциялары Казакстандын фондулук биржасынын расмий тизмесинен чыгарылат. Чечим KASE листингдик комиссиясы тарабынан эмитенттин өзүнүн билдирүүсүнө таянып кабыл алынды. Компаниянын акциялары KASEде 2022-жылдын 14-сентябрынан бери жайгаштырылган Долбоор боюнча инвестициянын жалпы көлөмү 4,5 миллиард доллардан ашканы белгилүү. Долбоорду ишке ашыруу 2030-жылга чейин күтүлүүдө. Жез жана молибденди казуучу ишкананы ишке киргизүү 2029-жылга пландалууда 2026-жылдын февраль айында Айдарлы долбоорунун акционерлеринин курамында өзгөрүүлөр башталды. Буга чейин «Казахмыс Корпорациясы» ЖЧКсына тиешелүү болгон ири үлүш «Qaz Copper Group» ЖЧКсына өткөн. Forbes Kazakhstan журналынын айтымында, бул түзүмдүн акыркы ээлери Владимир Ким жана Эдуард Огай Алар Айдарлы кенине тоо-кен байытуу комбинатын курууну пландап жатканын мурда жазганбыз. Долбоор жылына 75 миллион тоннага чейин кенди ачык жол менен казууну камтыйт