Казакстандын бюджети теңгенин өтө күчтүүлүгүнөн жабыркашы мүмкүн

2026-жылдын экинчи кварталынын башында казак валютасынын позициясы байкаларлык бекемдеди, деп жазат inbusiness.kz. Эксперттер муну мунайдын кымбаттыгы жана салык мезгилинин бүтүшү менен байланыштырууда. Улуттук валютанын ашкере бекемделиши Казакстандын бюджети үчүн түздөн-түз тобокелчиликти алып келет, анткени мунай сатуудан түшкөн теңгедеги кирешенин көлөмүн азайтат Басылма жазгандай, мунайдын баасынын өсүшү менен коңшу республиканын экономикасында валютанын ашыкча сунушу калыптанып, доллардын курсун түшүрүүдө. Казакстандын Экономикалык изилдөөлөр улуттук бюросунун сценарийи боюнча, апрель айында теңге бир доллар үчүн 462,1ге чейин бекемделиши мүмкүн, бирок Казакстандын Финансисттер ассоциациясынын аналитиктери май айынын башына карата 490,1 теңгенин тегерегинде реалдуураак деңгээлди күтүшүүдө Коңшусунун валютасын учурдагы колдоо да катуу монетардык шарттар менен камсыз кылынат: 18% базалык чен теңге инструменттери боюнча жогорку кирешелүктү сактап, өлкөнүн ичинде капиталды кармап турат жана 11%га басаңдаган инфляцияны чектейт Эксперттер жылдын экинчи жарымында теңгенин алсызданышы, салык импульстары басаңдап, импортерлор тарабынан валютага суроо-талап күчөйт деп болжолдошууда. Орто мөөнөттүү келечекте курс бир доллар үчүн 530-540 теңгеге чейин кайтары күтүлүүдө. Кыргызстан үчүн негизги соода өнөктөшүнүн валютасынын мындай туруксуздугу өз ара эсептешүүлөргө таасир этүүчү маанилүү фактор бойдон калууда