Өткөн жылы социалдык тармакка 9,3 триллион теңге бөлүнгөн

Экономикадагы өсүштүн негизги көрсөткүчү калктын жашоо сапатынын жакшырышы болуп саналат. Өткөн жылы аймактарга триллиондогон тенгелер бөлүнүп, жаңы мектептер, ооруканалар, жатаканалар, турак-жайлар пайдаланууга берилди. Жол курулушунун ылдамдыгы калктуу конуштардын байланышын да чыңдап, жашоочулардын жашоосуна оң таасирин тийгизүүдө. Бүгүн Мажилисте 2025-жылдын республикалык бюджетинин аткарылышы боюнча отчет берилди. Чыныгы жыйынтык кандай? 2025-жыл Казакстандын экономикасы үчүн динамикалык мезгил болду. Өлкөнүн экономикасы 6,5 пайызга өсүп, акыркы жылдардагы эң жогорку көрсөткүчтөрдүн бирине жетишти. Бул өсүштүн артында жаңы мектептер менен ооруканалардын курулушу, турак жайлардын көлөмүн көбөйтүү, жол инфраструктурасын жаңылоо жана аймактарды өнүктүрүүгө багытталган ири долбоорлор турат Мади Такиев, Казакстан Республикасынын Финансы министри: Министрдин айтымында, улуттук долбоорлордун алкагында 198 мектеп жана 655 саламаттыкты сактоо мекемелеринин курулушу бүткөрүлдү. 10 минден ашык студент учун 30 жатакана жана 20 миллион чарчы метрден ашык турак-жай пайдаланууга берилди. Калктын социалдык жактан аялуу катмары үчүн 5 миңден ашык баш калкалоочу жай сатылып алынган. Инженердик инфраструктураны өнүктүрүү боюнча иштер улантылууда. Жолдун ылдамдыгы да жогорулады Нурлыбек Налибаев, Казакстан Республикасынын Премьер-министринин биринчи орун басары: Бирок, Мажилисте отчёттун жүрүшүндө жетишкендиктер гана эмес, чечилишин күтүп жаткан маселелер да көтөрүлдү. Бюджеттин кирешеси пландалгандан 336 миллиард теңгеге аз болду. Буга мунайдын баасынын төмөндөшү, экспорттун көлөмүнүн азайышы жана дүйнөлүк экономикалык кырдаал таасир эткен. Мисалы, мунайдын орточо баасы 6 долларга чейин төмөндөдү Бир жылдын ичинде бюджеттин 8 жолу өзгөрүшүн депутаттар пландоо системасынын чабалдыгынын жана так эсепке алуу талапка жооп бербегендигинин ачык-айкын көрүнүшү катары катуу сынга алышты. Депутаттар социалдык төлөмдөр системасындагы кемчиликтерге да көңүл бурушту. Мажилисте белгилүү болгондой, өлкөдө төрөт боюнча мыйзамсыз төлөмдөргө байланыштуу 38 кылмыш иши козголгон. Бул иштер боюнча миңден ашуун аял тергелүүдө. Болжолдуу жалпы баасы 3 миллиард теңге Самал Кабышева, кабарчы: