Брюссель аба жолдорунун 4-6 жумалык авиакеросин калды

Белгиянын желекти ташуучу авиакомпаниясы Брюссель аба жолдорунда 4-6 жумалык авиакеросин калганы кабарланды Бельгиялык басма сөздө орун алган кабарга караганда Европадагы авиакеросин кризиси Брюссел аба жолдоруна да таасирин тийгизүүдө. Жакынкы Чыгыштагы чыр-чатактын мунай соодасына тийгизген таасири тууралуу белгисиздиктен улам, Брюссел аба жолдорунун алдыдагы 4-6 жумага жете турган авиакеросин бар Бул мөөнөттөн кийин авиакомпания толук кубаттуулукта ишин улантууга кепилдик бере албайт. Авиакеросиндин жетишсиздигинен улам каттамдар токтотулган учурда жүргүнчүлөргө акчасын кайтарып берүү пландалууда Lufthansa Groupтун туунду компаниясы болгон Brussels Airlines 90 багытка учат. Компанияда 3700дөй кызматкер жана 46 учак бар Жакынкы Чыгыштагы кагылышуулар жана Ормуз кысыгы аркылуу жүк ташуулардын үзгүлтүккө учурашынан улам Европада мунай жана жаратылыш газынын баасынын тез өсүшү байкалды. Авиа күйүүчү майдын баасы, өзгөчө Европада былтыркыга салыштырмалуу эки эсеге кымбаттады ЕБ мунай иштетүүчү заводдору кадимки шарттарда авиакеросин керектөөнүн 70 пайызын камсыздай алат. Калган бөлүгү өзгөчө Жакынкы Чыгыш жана Перс булуңундагы өлкөлөрдөн импорттолот Эл аралык энергетика агенттигинин президенти Фатих Бирол Европа жакын арада авиакеросиндин жетишсиздиги коркунучуна кабылышы мүмкүн экенин өткөн айда эскерткен Нидерландиялык KLM авиакомпаниясы күйүүчү майдын кымбатташынан улам ушул айда Европадагы 160 каттамды жокко чыгара турганын жарыялады Германиянын Lufthansa авиакомпаниясы да чыгымдардын басымынан улам өзүнүн туунду компаниясы CityLine ишин токтотууну чечти. Lufthansa да авиакеросиндин баасынын жогорулашынан улам октябрга чейин пландалган 20 миң кыска каттамды токтоторун жарыялады Арзан баада Ryanair жана EasyJet авиакомпаниялары жана TUI туристтик компаниясы базар шарттарынын жагымсыздыгынан улам жыл аягындагы божомолдорун төмөндөтүп кайра карап чыгышты