Британ өкмөтү Намик Салифовго каршы санкцияларды киргизет

Британ өкмөтү маркум кримавторитет, Лоту Гули каймана аты бар Надир Салифовдун бир тууганы Намик Салифов баш болгон бир топ адамдарга каршы санкцияларды киргизди. Себеби Иран менен болгон байланыштар. Тышкы иштер министри Иветт Купердин атынан 11-майда жарыяланган пресс-релизде бул санкциялар эл аралык коопсуздукка жана Улуу Британиянын коопсуздугуна коркунуч туудурган жеке адамдарга жана уюмдарга карата колдонулары айтылат "Бул иш-аракеттер Улуу Британиянын Ирандын Улуу Британиянын улуттук коопсуздугуна, аймактык стабилдүүлүгүнө жана глобалдык экономикасына болгон коркунучтарына каршы турууга берилгендигин көрсөтүп турат. Санкциялар чет өлкөлөрдөгү диссиденттерге каршы чабуулдарды токтотуп, Иран режиминин мыйзамсыз киреше булактарын жок кылат", - деди Британиянын тышкы иштер министри Билдирүүдө Иран кылмыштуу топторду чет мамлекеттерди коркутуу үчүн пайдаланып жатканы айтылат "Бул санкциялар пакети түздөн-түз Улуу Британиянын көчөлөрүнүн коопсуздугуна жана Жакынкы Чыгыштын стабилдүүлүгүнө коркунуч келтирген уюмдарга жана адамдарга каршы багытталган. Иран режиминин бөлүктөрү тарабынан колдоого алынган жана Улуу Британия менен Европадагы коопсуздукка коркунуч туудурган кылмыштуу тармактарга жана мыйзамсыз каржылоо тармактарына жол берилбейт. Биз бул аракеттерди бүткүл Европа боюнча координациялап жатабыз", - деп баса белгиледи Купер Мындан тышкары, падышалык Berelian Exchange жана GCM Exchange криптовалюталык биржаларына, ошондой эле ирандык наркобарон Нажи Шарифи Зиндашти тармагына каршы криптовалюта жана Иранга байланыштуу финансылык операцияларга катышкандыгы үчүн санкцияларды киргизген. Бул уюмдардын активдери тоңдурулуп, директорлору кызматынан четтетилди Санкцияга кабылган адамдардын тизмесинде бир тууган Мансур Заррингалам менен Насер Заррингаламдын ысымдары бар. Алар буга чейин 2025-жылдын июнь айында АКШ өкмөтү тарабынан санкцияларга дуушар болушкан. Бир туугандар ирандык "көмүскө банкинг" тармагын жетектеп, АКШнын Каржы министрлигинин Чет элдик активдерди көзөмөлдөө кеңсесинин (OFAC) маалыматы боюнча, эл аралык каржы системасы аркылуу миллиарддаган долларларды адалдаган Улуу Британия өкмөтүнүн санкция тизмесинде Намик Салифов жана ирандык дагы үч адам бар. Тышкы иштер министри Иветте Купер өкмөттүн 2023-жылы Иранга каршы санкцияларынын алкагында Намик Салифовду тизмеге киргизүүгө негиз бар экенин билдирди "Салифов Улуу Британияда же башка өлкөдө Иран өкмөтүнүн атынан душмандык аракеттерге катышкан же катышууда", — деп айтылат билдирүүдө Улуу Британиянын өкмөтү Салифовдун активдерин тоңдоого, өлкөдөн чыгуусуна тыюу салууга жана ал директор болуп иштеген компанияларда кызмат орундарына тыюу салууга буйрук берген. Бирок Салифовдун Улуу Британияда кандай мүлкү жана компаниялары бар экени айтылган эмес