Бразилияда эки тик учак абада кагылышып кетти: 6 киши каза болду

Бразилиянын Рио-де-Жанейро шаарынын батыш тарабында эки тик учактын кагылышынан 6 адам каза болду Рио-де-Жанейро өрткө каршы кызматынын басма сөз катчысы Фабио Контрейрас басма сөзгө жасаган билдирүүсүндө тик учактардын абада кагылышып, Рекреио дос Бандейрантес аймагында кулаганын айтты Кырсыктан 6 кишинин каза болгонун белгилеген Контрейрас, топтордун окуя болгон жерде иштерин уланткандарын белгиледи Контрейрас тик учактардын биринин унаа токтотуучу жайга кулап түшкөнүн жана ичиндеги 5 кишинин каза болгонун, экинчи тик учардын кырсык болгон жерден болжол менен 100 метр алыстыкта ​​оодарылып табылганын жана пилотунун каза болгонун белгиледи Экинчи тик учардын кулашынын натыйжасында өрт болбогонун белгилеген Контрейрас айланадагы имараттарга жана террасаларга сыныктардын ыргытылганын кошумчалады Жергиликтүү басылмалардын маалыматына караганда, тик учактардын бири кулаган унаа токтотуучу жайда чыккан өрттө токтоп турган 20дай электр унаасы күлгө айланган Рио-де-Жанейро шаарынын мэри Эдуардо Кавальер өрттүн көзөмөлгө алынганын, өрт өчүрүүчүлөр кырсык болгон жерде таштандыларды чыгаруу жана унааларды эвакуациялоо иштерин улантканын билдирди Кырсыктын так себеби Бразилиянын аба күчтөрүнүн Авиациялык кырсыктарды иликтөө жана алдын алуу борбору (CENIPA) жүргүзгөн иликтөөдөн кийин белгилүү болот