Бостонов: Кыргызстандын Евробиримдиктин аба коопсуздугу боюнча "кара тизмесинен" чыгышы чоң жетишкендик

Бишкек, 08.06.26. /Кабар/. Кыргызстандын Европа биримдигинин аба коопсуздугу тизмесинен чыгуусу өлкө үчүн чоң жетишкендик. Бул тууралуу Жарандык авиация мамлекеттик агенттигинин директору Данияр Бостонов "Кабар" агенттигине билдирди Анын айтымында, бул тизмеге Кыргызстандын учактары Европа биримдигинин аба мейкиндигинде эл аралык, европалык стандарттарга жооп бербегендиктен, Европа комиссиясы 2006-жылы Кыргызстанды ошол тизмеге кошкон. Болжол менен 17 жыл бою бул маселени чечүү максатында олуттуу эч ким аракет жасаган эмес Президент Садыр Жапаровдун жетекчилигинде бул маселе алдыга жылып, "кара тизмеге" байланыштуу бардык маселелер көзөмөлдөндү. Ошого жараша Мамлекеттик жарандык авиация агенттиги бул маселе боюнча үч жыл мурун иштей баштаган Данияр Бостонов белгилегендей, бул тизмеден чыккан соң Европа биримдигине түз каттамдар ачылат. Бирок бул ошондой эле өлкөгө болгон ишенимдин жогорулаганын билдирет