Нарын шаарынын тургунунан Акчабардан 54 килограммдан ашык сейрек кездешүүчү эндика алынды

Нарында үйүнүн короосунда сейрек кездешүүчү өсүмдүктүн тамырын кургатып жүргөн жергиликтүү тургун аныкталды, аны чогултууга Кыргызстанда мораторий киргизилген. Кармалган сырьёнун жалпы салмагы 54 килограммдан ашкан Мыйзам бузууну Экологиялык көзөмөл кызматынын Нарын облустук башкармалыгынын инспекторлору УКМКнын Нарын облусу боюнча башкармалыгынын кызматкерлери менен биргеликте аныкташкан. Текшерүү учурунда ал адам 54 килограмм 650 грамм кургатылган эндика тамырын сактап жүргөнү белгилүү болду Мыйзамсыз чогултулган өсүмдүк материалдары толугу менен конфискацияланды. Тартип бузуучуга Эреже бузуулар кодексине ылайык 10 миң сом өлчөмүндө айып салынды Өсүмдүк Кыргызстандын сейрек кездешүүчү жана баалуу жаратылыш ресурстарынын бири болгондуктан, эндиканы сактоо маселеси актуалдуу бойдон калууда. Анын тамыры элдик жана салттуу медицинада кеңири колдонулат Бийлик эндиканы чогултууга мораторий киргизилгенин жана аны мыйзамсыз казып алуу жана сатып алуу жоопкерчиликке алып келерин эскертет. Өсүмдүк дарылык касиетинен тышкары тоо экосистемаларынын экологиялык тең салмактуулугун сактоодо жана кыртыштын эрозиясын алдын алууда маанилүү роль ойнойт Кабардар болуңуз! Биздин Telegramга жазылыңыз