Азербайжанда 300 миңден ашык жер которгондор жакшыртылган турак жайга ээ болушту

Азербайжанда 300 миңден ашык ички жер которгондор жакшыртылган турак жай шарттары менен камсыздалган Бул тууралуу Жогорку Кеңештин Эмгек жана социалдык саясат, Адам укуктары, ошондой эле Укуктук саясат жана мамлекеттик курулуш боюнча комитеттеринин кошмо жыйынында парламенттин Эмгек жана социалдык саясат боюнча комитетинин төрагасы Муса Гулиев билдирди «Ички жер которгондордун социалдык көйгөйлөрүн чечүү үчүн Азербайжандын президенти жыл ичинде 75 жарлык жана буйруктарга кол койгон, ал эми Милли Межлис 11 мыйзам кабыл алган», - деди ал Анын айтымында, азербайжан жерлери оккупацияланган мезгилде ички жер которгондордун жашоо шартын жакшыртуу максатында 121 жаңы конуш жана көп кабаттуу үйлөрдөн турган турак жай комплекстери курулуп, алардын пайдаланууга берилген. 62 миңден ашык ички жер которгон үй-бүлөлөрдүн, башкача айтканда 300 миңден ашуун адамдын турак-жай шарттары жакшыртылды «Өткөн жылдардан бери мамлекет тарабынан билим берүү жана салык тармагындагы жеңилдиктер, бир айлык жөлөкпул төлөө, даректүү социалдык жардам көрсөтүү, иш менен камсыз кылуу программаларын ишке ашыруу, медициналык-социалдык реабилитациялоо жана башка социалдык коргоо механизмдери аркылуу мамлекет тарабынан туруктуу колдоо көрсөтүлүп келет», - деп кошумчалады М.Гулиев Текстте ката байкадыңызбы? Текстти тандап, тергичтен Ctrl + Enter баскычтарын басып, бизге кабарлаңыз