Батыш Казакстан облусунда мамлекеттик кызматкерлердин арасында 2 миңден ашык мыйзам бузуулар аныкталды

Аймактык коммуникациялар кызматында өткөн брифингде Мамлекеттик кызмат иштери боюнча агенттиктин Батыш Казакстан облусу боюнча башкармалыгынын башчысы Мурат Байсаловдун айтымында, учурда мамлекеттик кызматкерлердин так саны 3197 (акимчиликтерде – 2071, борбордук мамлекеттик органдардын бөлүмдөрүндө – 1126) түзөт. Бош орундардын саны 218 (акимчиликтерде - 126, борбордук мамлекеттик органдардын бөлүмдөрүндө - 92), бул жалпы штаттык сандын 6,4%ын түзөт М.Байсаловдун айтымында, жыл башынан бери административдик мамлекеттик кызматка 137 адам дайындалган. Мамлекеттик кызматкерлердин 1315и же 41%ы эркектер, 1882си же 59%ы аялдар — Мамлекеттик кызмат жөнүндө мыйзамдардын талаптарынын жана кызматтык этика стандарттарынын сакталышын көзөмөлдөөнүн алкагында быйылкы жылы 45 контролдук иш-чара өткөрүлүп, анын жыйынтыгында 2087 мыйзам бузуу аныкталган. Мамлекеттик органдарга 14 тапшырма жана сунуштар берилип, анын 11и аткарылды, калган үчөө аткарылууда. Киргизилген сунуштарды жана тапшырмаларды кароонун жыйынтыгы менен мамлекеттик кызматка байланыштуу жоюлууга тийиш болгон 428 мыйзам бузуулар жоюлду, - деди спикер Анын айтымында, этика кеңеши дисциплинардык иштерди кароонун жыйынтыгында алты аткаминерге ар кандай тартиптик чараларды көргөн. Башкармалыктын жетекчилиги тарабынан «Коррупцияга каршы аракеттенүү жөнүндө» мыйзамда каралган декларациялардын мамлекеттик киреше органдарына берилишине көзөмөл жүргүзүлдү. Жыйынтыгында билим берүү, саламаттыкты сактоо, маданият, спорт, ветеринария уюмдарында, ошондой эле облустун шаар, райондорунун акимчиликтеринде 100 кызмат адамы декларацияны өз убагында тапшырбаганы же такыр эле тапшырбаганы аныкталды. Буга ылайык күнөөлүүлөргө 90 тартиптик чара көрүлгөн «Ошол эле учурда облуста былтыркы жылдан бүгүнкү күнгө чейин 21 мамлекеттик кызматкердин иш-аракетинде чектөөлөр сакталбаганы аныкталган.Кээ бир мамлекеттик кызматкерлер жеке ишкердик менен алектенген фактылар катталган.Мамлекеттик кызматкерлердин арасында кумар оюндарына көз карандылык фактылары да бар.Бул фактылардын негизинде М.Байловду бардык терс себептер менен жумуштан бошотуу чечими кабыл алынган»,-деп айтылат маалыматта Мурдараак маалымдалгандай, Казакстан Республикасынын Мамлекеттик кызмат иштери боюнча агенттигинин Батыш-Казакстан облусу боюнча этика кеңешинин жыйынында райондук маслихаттын сессиясында этикага жатпаган жоруктары жана орой сөздөрү үчүн айыл акимине катуу сөгүш жарыяланган