Быйыл 35 миңге жакын үй-бүлө атайын социалдык жардам алды

Бүгүнкү күндө балалуу үй-бүлөлөр республикалык бюджеттен төлөнүүчү мамлекеттик жөлөкпулдун беш түрүн жана социалдык камсыздандыруу фонду тарабынан берилүүчү жардамдын эки түрүн алышат. Бул колдоо чаралары наристенин төрөлгөнүнөн баштап, анын алгачкы жылдарында кам көрүү жана тарбиялоо мезгилин камтыйт. Көп балалуу энелердин эмгеги да бааланат. «Күмүш мончок» жана «Алтын мончок» ээлерине кирешесине карабастан өмүр бою ай сайын мамлекеттик жөлөкпул төлөнүп турат. Мамлекет аз камсыз болгон үй-бүлөлөрдү көңүл сыртында калтырбайт. Быйыл 1-майга карата социалдык жардам 34 миң 500 үй-бүлөгө дайындалып, 186 миң жаран камтылган. Бул үчүн бюджеттен 10 миллиард 600 миллион теңге бөлүнгөн. Ошондой эле быйылкы жылдан тарта мамлекеттик жөлөкпул көбөйдү. Эми биринчи, экинчи жана үчүнчү бала төрөлгөндө үй-бүлөгө 164 миң теңге өлчөмүндө бир жолку төлөм берилет. Ал эми төртүнчү жана андан кийинки балдарга 272 миң теңге төлөнөт. Бул жаш үй-бүлөлөрдүн алгачкы чыгымдарын кыскартууга жана баланы багуу үчүн зарыл шарттарды түзүүгө жардам берет