Бүгүн футбол боюнча дүйнө чемпионаты башталат

Бүгүн дүйнө жүзүндөгү футбол күйөрмандары чыдамсыздык менен күткөн күн. Бир нече сааттан кийин бүткүл дүйнө көрүп жаткан топ оюну башталат. Төрт жылда бир келе турган дүйнөлүк чемпионатты “Kazakstan” жана “Qazsport” телеканалдары түз алып көрсөтөт. Дүйнөлүк сынакты өлкөнүн эң мыкты 22 комментатору алып барат. Бул тууралуу дүйнөлүк чемпионатты телекөрсөтүү боюнча корпорациянын расмий бет ачарында айтылды. Иш-чарада Кайрат Баекеновдун топ оюнуна арналган ырынын бет ачары болду Кош канал ошондой эле футбол талаасынын 39 күндүк баяндамасын сунуштайт. Ошол эле учурда дүйнөлүк чемпионатка арналган «Беттешүү алдында» аттуу студиялык программа көрүүчүлөргө жол салат. Спорт адистери менен эксперттер түз эфирде курама командалардын дараметин баалап, өз божомолдорун айтышат. Ал эми чемпионатка барган каналдын кабарчылары күйөрмандардын эмоциясын, стадиондогу атмосфераны жеткирип турушат Нагы Бахытбек, «Qazsport» телеканалынын директору: Футбол фестивалынын ачылыш аземи Казакстан убактысы боюнча саат 22:40та башталат. Негизги иш-чара Мехико шаарындагы легендарлуу Ацтека стадионунда өтөт. Кечеде Шакира, Бурна Бой, Жей Балвин өңдүү дүйнөлүк жылдыздар концерт беришет. Кошумчалай кетсек, быйыл турнир үч мамлекет тарабынан уюштурулуп жаткандыктан, ар бир өлкө өзүнүн стадионунда өзүнүн ачылыш шоусун уюштурат. Тайпалык этаптын биринчи беттеши түнкү саат 12де болот. А тайпасында үй ээси Мексика Түштүк Африка менен беттешет. Белгилей кетсек, быйылкы дүйнө чемпионатына 48 мамлекет катышып, жалпысынан 104 беттеш өткөрүлөт