Бакуда Азербайжандын профсоюздар конфедерациясы тарабынан уюштурулган улуттук лидер Гейдар Алиевдин жаркын элесине арналган иш-чара өттү (ФОТО)

Баку, Азербайжан, 7-май. Баку Конгресс борборунда Азербайжандын улуттук лидери Гейдар Алиевдин туулган күнүнүн 103 жылдыгына арналган «Эл үчүн өткөн өмүр» аттуу иш-чара өттү Иш-чараны Азербайжандын профсоюздар конфедерациясы уюштурган Иш-чарага өкмөт өкүлдөрү, Жогорку Кеңештин депутаттары, маданият жана искусство ишмерлери, бейөкмөт уюмдардын, массалык маалымат каражаттарынын өкүлдөрү жана көптөгөн профсоюз мүчөлөрү катышты Иш-чара Азербайжан Республикасынын Мамлекеттик Гимнинин аткарылышы менен башталып, андан кийин улуу лидер Гейдар Алиевди жана мекен үчүн жанын берген шейиттерди бир мүнөт унчукпай эскерүү менен коштолду. Андан соң улуу жолбашчынын маңыздуу өмүр жолун жана Азербайжандын өнүгүүсүндөгү болуп көрбөгөндөй жетишкендиктерин чагылдырган тасма көрсөтүлдү Иш-чарада азербайжан элин оор сыноолордон алып чыккан азыркы Азербайжандын архитектору, Улуттук лидер Гейдар Алиев өлкөнү терең коомдук-саясий жана экономикалык кризистен сактап калганы, өлкөнүн туруктуу өнүгүү жана прогресс жолуна бекем пайдубал түптөгөнү жана бул саясий багыт Президент Ильхам Алиев тарабынан ийгиликтүү уланып жатканы белгиленди. Азербайжандын бардык тармактары динамикалуу өнүгүп, өлкөнүн эл аралык аброю чыңдалып, кадыр-баркы жылдан-жылга өсүп баратканы баса белгиленди. Бул олуттуу жетишкендиктерге президент Илхам Алиевдин жетекчилиги астында жетишилди жана алар Улуттук лидер Гейдар Алиев аныктаган өнүгүү стратегиясына жана улуттук мамлекеттүүлүк идеяларына негизделген. Иш-чарада ошондой эле Биринчи вице-президент Мехрибан Алиеванын өлкөнүн социалдык-экономикалык өнүгүүсүнө, улуттук жана руханий баалуулуктарды коргоого жана жайылтууга кошкон зор салымы баса белгиленип, Гейдар Алиев Фондунун Улуттук лидердин бай мурасын изилдөө жана кеңири коомчулукка жеткирүү боюнча көп кырдуу иш-аракеттеринин маанилүүлүгү белгиленди Иш-чара Улуттук лидер суктанган музыкалык жана поэтикалык чыгармаларды камтыган концерттик программа менен уланды. Эл артисттери Мансум Ибрагимов менен Ниямеддин Мусаевдин, эмгек сицирген артисттер Гулустан Алиеванын, Тайяр Байрамовдун, Рамил Гасымовдун жана башка белгилуу артисттердин чы-гармалары зор кызыгуу менен тосуп алынды