Бакуда ТДТга муче болгон елкелердун Борбордук банктар Советинин кезектеги заседаниеси етуп жатат

Бүгүн Баку шаарында “Түрк мамлекеттер уюмунун Борбордук (улуттук) банктар кеңешинин” кезектеги жыйыны өтүүдө Бул тууралуу Азербайжандын Борбордук банкынын (ЦБА) төрагасы Талех Казимов социалдык тармактагы «X» аккаунтуна бөлүштү, деп билдирет «APA-Economics» "Биз боордош өлкөлөрдүн борбордук банктарынын жетекчилерин жана Түрк мамлекеттери уюмунун башкы катчысын Бакуда тосуп алганыбызга абдан кубанычтабыз. Түрк мамлекеттеринин кызматташуусу жаңы баскычка кадам таштаган доордо биз жетектеген институттар ортосундагы диалогду жана тажрыйба алмашууну бекемдөө өзгөчө мааниге ээ Бул жыйын Кеңештин ишинин кезектеги маанилүү барагы болуу менен биздин аймакта бир кыйла интеграцияланган, инновациялык жана туруктуу финансылык экосистеманын калыптанышына маанилүү салым кошот деп ишенебиз. "- деп бөлүштү Белгилей кетсек, жыйынга байланыштуу Кеңешке мүчө болгон Казакстандын, Кыргыз Республикасынын, Өзбекстандын жана Түркиянын борбордук банктарынын, ошондой эле Венгриянын жана Түндүк Кипр Түрк Республикасынын борбордук банктарынын жетекчи делегациялары байкоочу катары өлкөбүзгө келет. Жыйынга Түрк мамлекеттер уюмунун башкы катчысынын да катышуусу күтүлүүдө Жолугушуу глобалдык чакырыктардын деңгээлинде макроэкономикалык жана финансылык туруктуулукту камсыз кылуу, акча-кредит саясатынын трансмиссиясын жакшыртуу, ошондой эле санариптик трансформация доорунда финансылык технологияларды өнүктүрүү боюнча өкүлчүлүктүү өлкөлөрдүн борбордук банктары туш болгон чакырыктарды жана жаңы мүмкүнчүлүктөрдү талкуулоо үчүн эффективдүү аянтча болот. Алсак, жыйындын алкагында “Орто мөөнөттүү келечекте глобалдык жана аймактык тобокелдиктерге каршы борбордук банктардын акча-кредиттик жана каржылык саясатынын чаралары” жана “Санариптик каржы экосистемаларын, анын ичинде финансылык технологияларды өнүктүрүү” деген темаларда презентациялар жана талкуулар өткөрүлөт Белгилей кетсек, 2024-жылы түзүлгөн Кеңештин биринчи жыйыны былтыр Казакстандын Астана шаарында өткөн. Кеңеш берүүчү-консультативдик орган катары иш алып барган Кеңештин негизги максаты кызматташтыкты бекемдөө, акча-кредит саясаты, финансылык туруктуулук, төлөм системалары, финансылык технологиялар жана башка өз ара кызыкчылык туудурган чөйрөлөрдө биргелешкен консультацияларды жана изилдөөлөрдү жүргүзүүгө көмөк көрсөтүү болуп саналат