Азербайжанда террордук аракеттерге байланыштуу жаңы жазалар бекитилди

Азербайжанда террордук уюм түзүү, аны жетектөө же анын ишмердүүлүгүнө катышуу үчүн жазалар бекитилди Буга байланыштуу президент Илхам Алиев Кылмыш-жаза кодексине жана “Терроризмге каршы күрөшүү жөнүндө” мыйзамга өзгөртүүлөрдү киргизүүгө кол койгонун 525.az жазды Документке ылайык, Кылмыш-жаза кодексине жаңы 214-4-берене кошулуп, анда террористтик уюмду түзгөн, ага жетекчилик кылган же ага катышкандыгы үчүн кылмыш жоопкерчилиги каралган. Ал беренеге ылайык, террористтик уюмду түзүү же ошол уюмду же анын түзүмдүк бөлүмүн жетектөө 10 жылдан 14 жылга чейин эркинен ажыратуу менен жазаланат. Террордук уюмга мүчө болуу же анын ишине катышуу 7 жылдан 12 жылга чейин эркинен ажыратуу менен жазаланат Аталган берененин Эскертүү бөлүгүндө террористтик уюмдун мүчөсү болгон же анын ишине катышкан адам өз убагында бийлик органдарына билдирүү же башка ыкмалар менен кылмыштуу аракеттердин алдын алууга, террористтик уюмду түзгөн, ага жетекчилик кылган, ага катышкан же каржылаган адамдарды табууга көмөктөшөрү, ал эми эгерде анын аракеттери башка кылмыштын курамына кирбесе, кылмыштын курамынан бошотула тургандыгы белгиленген Мыйзамга ылайык, Кылмыш-жаза кодексинин 282-беренеси жаңы редакцияда чыгарылды. Ошентип, 282.1-беренеге илимий-техникалык потенциалды алсыздандыруу, ошондой эле маанилүү маалыматтык инфраструктуранын, энергетикалык, транспорттук жана телекоммуникациялык тармактардын нормалдуу иштешин бузуу максатын көздөгөн жаңы объекттер кошулат Ошондой эле саботаж ыкмаларына жасалма интеллект технологияларын жана атайын программалык камсыздоону колдонуу кирет Документке ылайык, 282-берененин 2-беренесинде бир катар жаңы оордотуучу жагдайлар каралган. Бул оордотуучу жагдайларга кылмыштуу уюм тарабынан провокация жасоо, өзгөчө же аскердик, өзгөчө кырдаал режими, ошондой эле массалык баш аламандыктар, адамдын өзүнүн кызмат абалынан пайдалануу менен жасагандыгы, байкабастыктан адамдардын өлүмүнө же башка оор кесепеттерге алып келиши кирет Кодекстин 282-беренесинин Эскертүү бөлүгүнө ылайык провокацияны даярдоого катышкан адам мындай жосундун алдын алууга бийлик органдарына өз убагында билдирүү же башка ыкмалар менен көмөктөшсө жана анын аракетинде башка кылмыштын курамы жок болсо, кылмыш-жаза жоопкерчилигинен бошотулат