Азербайжанда куш тумоосу жана Ньюкасл оорусу аныкталган жок

Азербайжанда жүргүзүлгөн экспертизалардын жана жалпы эпизоотологиялык байкоолордун анализинин натыйжасында канаттуулардын сасык тумоосунун козгогучу жана оорунун клиникалык белгилерине шектүү канаттуу табылган жок Бул тууралуу 525.az агенттигине Азербайжандын Азык-түлүк коопсуздугу агенттиги билдирди Канаттуулардан алынган диагностикалык үлгүлөр Ньюкасл оорусуна да текшерилип, инфекцияга шектелген учур табылган жок деп айтылды Белгилей кетсек, 6-10-апрель күндөрү республиканын аймагында (анын ичинде Нахчыван Автономиялык Республикасы) куш тумоосуна каршы эпизоотологиялык мониторинг эпизоотиялык коркунучтун негизинде аныкталган саздак жерлерди, жээк зоналарын жана мамлекеттик жаратылыш коруктарынын башка аймактарын, аңчылык чарбаларын жана улуттук парктарды камтыды Мындан тышкары, суу сактагычтарда жана дарыя жээктеринде жалпы байкоо жүргүзүү жолу менен жапайы канаттууларга клиникалык изилдөө жүргүзүлүп, оорунун козгогучтарын аныктоо максатында жапайы канаттуулардын ар кандай түрлөрүнөн диагностикалык үлгүлөр алынды. Мындан тышкары, 4 райондун (шаардын) 34 өнөр жайлык канаттуулар чарбаларында жана 72 үй-бүлөлүк чарбаларында канаттуулардын ар кандай түрлөрүнөн лабораториялык изилдөө жүргүзүү үчүн кан жана мазоктун үлгүлөрү алынган