Азербайжанда китептердин жарымынан көбү кирилл алфавитинде

Азербайжанда китептердин жарымынан көбү кирилл алфавитинде. Бул тууралуу бүгүн Милли Мажлистин Маданият комитети “Китепкана системасынын учурдагы абалы жана өнүгүү келечеги” аттуу коомдук угууда маданият министринин орун басары Фарид Жафаров сунуштаган слайдда көрсөтүлгөнүн Modern.az кабарлады. Министрдин орун басары учурда өлкөнүн китепканаларынын фондунда 18,8 миллионго жакын басылма бар экенин билдирди. Алардын 15,9 миллиондон ашыгы же 84,6 пайызы азербайжан тилинде, 2,9 миллиондон ашыгы чет тилдерде. Фарид Жафаровдун айтымында, азербайжан тилиндеги басылмалардын 9,2 миллиондон ашыгы же 57,6 пайызы кириллицада, 6,7 миллиондон ашыгы латын графикасында. Бул дагы эле кирилл басылмалары китепкана фонддорунда үстөмдүк кылып жатканын көрсөтөт. Министрдин орун басары китепкана системасында кадрларды даярдоодо да көйгөйлөр бар экенин белгиледи. Ал системада иштеген 6461 кызматкердин 7,7 пайызынын гана китепканачылык боюнча жогорку кесиптик билими бар экенин айтты. Кызматкерлердин 10,4 пайызынын жогорку, бирок атайын эмес билими, 39,3 пайызынын орто, 42,6 пайызынын жалпы орто билими бар. Фарид Жафаров баса белгилегендей, жүргүзүлгөн анализдер китепканалардын 90 пайыздан ашыгы имараты, түзүлүшү жана тейлөө чөйрөсү боюнча эл аралык стандарттарга жооп бербейт Министрдин орун басары ошондой эле статистикада көрсөтүлгөн чыныгы окурман менен окурмандардын ортосунда чоң айырма бар экенин белгиледи