Азербайжанда дары-дармектердин сапатына нааразычылык күчөдү - ВИДЕО

Азербайжанда акыркы жылдары дарылардын сапатына нааразычылык күчөдү. Жарандар айрым дары-дармектер мурдагыдай таасир бербей, ал тургай жасалма дарылар дарыканаларда сатылып жатканын айтышууда Бул тууралуу Khazar TV сюжет даярдаганын Modern.az жазды Тургундар тамак жана кант диабетине каршы дарылар иштебей жатканын айтышты "Мурда кант дарылары эффективдүү болчу. Азыр андай таасир бербейт. Сапаты төмөн болсо керек", — дейт жарандардын бири Медициналык маселелер боюнча эксперт Адил Гейбулла жасалма дары-дармектердин дарыкана тармагына кирүү ар кандай мыйзамсыз жолдор менен жүргүзүлүп жатканын, муну бир караганда аныктоо мүмкүн эместигин билдирди Анын айтымында, айрым учурларда дарылардын активдүү заты азайып, натыйжада дары арзандап, сатыкка чыгарылат Аналитикалык экспертиза борбору жасалма дарылардын алдын алуу үчүн дары-дармек каражаттарын көзөмөлдөө жана мониторинг жүргүзүү системасы түзүлгөнүн билдирди Белгиленгендей, система аркылуу ар бир дарыга атайын уникалдуу код ыйгарылып, өндүрүштөн акыркы керектөөчүгө чейинки бардык кыймылы көзөмөлдөнөт Аталган борбордон билдиришкендей, жарандар жакын арада ишке киргизиле турган мобилдик тиркеме аркылуу дарыдагы «дата матрицасы» кодун сканерлеп, анын жасалма экенин текшере алышат Тиркемени колдонуу үчүн атайын техникалык билим талап кылынбайт деп айтылды