Азербайжанга ылаңдаган малды алып келүүгө бөгөт коюлду

Грузиядан Азербайжанга зооноздук ылаңга шектелген жаныбарларды алып келүүгө тыюу салынды Бул тууралуу Modern.az агенттигине Азербайжандын Азык-түлүк коопсуздугу агенттиги (AQTA) билдирди Маалым болгондой, 12-майда Грузиянын «Универсал бизнес компани» ишканасынан союу үчүн алынып келинген жалпы 134 баш тирүү бодо мал «Кызыл көпүрө» Тамак-аш коопсуздугун көзөмөлдөө станциясында колдонуудагы ченемдик укуктук актылардын талаптарына ылайык клиникалык кароодон өткөрүлдү Клиникалык текшерүү учурунда эки жаныбардан шектүү белгилер табылган. Ошентип, малдын жалпы абалынын начарлашы, баланстын үзгүлтүксүз бузулушу жана температуранын нормадан жогору болушу (40,5 жана 40°С) аныкталган Көрсөтүлгөн клиникалык белгилер жаныбарлардагы жугуштуу же башка оорулардын белгилери болуп саналат, алар коопсуздук жагынан коркунучтуу деп эсептелет Тобокелдиктерди эске алып, малды өлкөгө алып кирүүгө тыюу салынып, бардык партия кайтарылган Белгилей кетсек, AQTA үстүбүздөгү жылдын 5-майында зооноздук ооруларга шектелген жаныбарларды өлкөгө алып кирүүгө бөгөт койгон. Ведомство Грузиядан тирүү мал алып келүү менен алектенген компанияларды импорттоодо учурдагы процедураларды аткарууну эскертет. Болбосо, мыйзамдарда каралган чараларды көрүү менен ал ишканаларга импорттук чектөөлөр киргизилет