Азербайжан Египеттин “акылдуу шаарларды” түзүү тажрыйбасына кызыкдар

Египеттин пландоо жана экономикалык өнүгүү министри Ахмед Ростом Азербайжандын Каирдеги элчиси Элхан Полухов менен жолугушуп, аны менен эки өлкөнүн экономикалык өнөктөштүк маселелерин талкуулады Бул тууралуу министрлик маалымат таратты, деп билдирет 525 az Маалым болгондой, дипломаттар эки тараптуу кызматташтыкты чыңдоо, экономикалык мамилелерди өнүктүрүү жана туруктуу өнүгүү жаатында тажрыйба алмашууну карашты «Сүйлөшүүлөр Египеттин президенти Абдул Фаттах Ас-Сиси жана Азербайжандын президенти Илхам Алиевдин колдоосу менен Египет-Азербайжан мамилелеринин активдүү өнүгүүсүнүн фонунда өттү», — деп айтылат маалыматта Жолугушуунун башында А.Ростом эки өлкөнүн стратегиялык өнөктөштүгүнүн маанилүүлүгүн белгилеп, экономикалык кызматташтыктын жаңы этабын калыптандыруу максатында Азербайжандын Экономика министрлиги менен өз ара мамилелерди тереңдетүүгө даяр экендигин билдирди Ал ошондой эле өлкөнүн макроэкономикалык туруктуулукту сактоо, ошондой эле жеке сектордун катышуусун кеңейтүү жана инвестицияларды тартуу саясатын ишке ашыруу мүмкүнчүлүгүн белгилеп, Египеттин структуралык реформалар жана комплекстүү өнүктүрүү жаатындагы тажрыйбасы менен тааныштырды. Туруктуу өнүгүү максаттарына жетишүүнү көзөмөлдөөнүн санариптик механизмдерине өзгөчө көңүл бурулду А.Ростом Азербайжан менен өкмөттөр аралык комиссиянын ишин жогору баалады. Анын айтымында, бул комиссия кызматташуунун жаңы багыттарын ачып, келечекте экономикалык өз ара аракеттенүүнү мындан ары тереңдетүүгө негиз түздү Е.Полухов Баку инфраструктураны өнүктүрүүдө Египеттин алдыңкы тажрыйбасын жана шаар курууда заманбап чечимдерди колдонууну каалай турганын билдирди. Ал белгилегендей, быйылкы жылдын башынан тарта Баку менен Каирдин ортосунда түз аба каттамынын ишке кириши ишкердик мамилелерди чыңдоого жардам берет Элчи ошондой эле Азербайжандын Ислам өнүктүрүү банкы тобунун жылдык жыйындарын жана Ислам Кызматташтык Уюмунун саммитин өткөрүүгө даярдыктар тууралуу маалымат берди. Ал иш-чараларда аймактарды өнүктүрүү боюнча ири долбоорлор талкууланат Мындан тышкары, азербайжан тарап Египеттин “акылдуу шаарларды” куруу жана “жашыл экономикага” багытталган инфраструктураны өнүктүрүү боюнча тажрыйбасын колдонууга кызыкдар экенин билдирди