Азов деңизинде жарадар болгон азербайжандардын саны өстү

Азов деңизинде Палау желеги менен сүзүп бараткан кемеге учкучсуз учактын кол салуусунан жаракат алган Азербайжан жарандарынын саны төрткө жетти Modern.az сайтынын маалыматына ылайык, окуядан жабыркаган дагы бир адам - кеменин начальниги Рашад Мадатханов Йейск шаардык борбордук ооруканасынын травматология бөлүмүнө жаткырылды Учурда ал башка жарадар болгон Самид Ибадзаде, Эмин Валехов жана Намиг Жафарли менен бир палатада дарыланууда Маалыматка ылайык, жабыркагандар кайрадан дарыгердин кароосунан өткөн. Эмин Валеховдун оң кулагында көйгөй бар экени айтылууда. Белгиленгендей, Намиг Жафарлинин эки кулагында да угуу көйгөйү бар. Рашад Мадатханов башынан жаракат алганы белгилүү болду Жабыркагандар менен укук коргоо органдарынын өкүлдөрү да жолугуп, алардын көрсөтмөлөрүн алышкан. Сурак учурунда кол салуунун айрым деталдары ачыкка чыкты Жабыркагандардын айтымында, дрондун соккусунан кеменин башкы механики Кисмат Алиев катуу күйүк алып, каза болгон Кол салуу учурунда кеменин капитаны Фуад Оружовдун буту сынып, оор жаракат алганы кабарланган. Маалыматка ылайык, аны сууга куткаруучу жилет кийген соң түшүрүшкөн. Жабыркагандардын көрсөтмөсүнө караганда, окуянын кесепетинен Фуад Оружов да каза болгон