Азербайжандык моряктар мекенине кайтарылып жатат

Азов деңизинде кургак жүк ташуучу кемелерге пилотсуз учактын чабуулунан азербайжан жарандарынын каза болгондугу жана жаракат алганы тууралуу кабар түшкөндөн кийин дароо окуя болгон жерге Азербайжандын Россия Федерациясындагы элчилигинин кызматкерлери барып, учурда курман болгондорду мекенине кайтаруу боюнча иш-чаралар жүргүзүлүүдө. Бул тууралуу Азербайжандын Тышкы иштер министрлигинин билдирүүсүндө айтылат Тышкы иштер министрлигинин маалыматы боюнча, элчиликтин консулдук кызматкерлери Йейскиде болуп, жабыркаган жана куткарылган азербайжандыктарга жардам көрсөтүүдө. Жаракат алгандардын абалы канааттандырарлык деп бааланууда, алардын айрымдарын жакынкы аралыкта чыгаруу пландалууда "Орусия Федерациясынын адистештирилген түзүмдөрү тарабынан жүргүзүлүп жаткан издөө-куткаруу иш-чараларынын алкагында каза болгондордун өздүгүн тактоо жана башка зарыл иш-чаралар улантылууда. Ошол эле учурда куткарылган азербайжандык жарандардын документтерин даярдоо жана аларды өлкөгө кайтарууну уюштуруу боюнча зарыл чаралар көрүлүүдө", — деп айтылат маалыматта Тышкы иштер министрлиги кырдаалды өзгөчө көзөмөлгө алып жатканын билдирди: «Жабырлануучулардын өздүгү жана алардын сөөгүн Азербайжанга жеткирүү боюнча кошумча маалымат берилет» Белгилей кетсек, Азов деңизинде эки чет элдик жүк ташуучу кемеге учкучсуз учактын чабуулунан беш Азербайжан жараны каза болуп, дагы бир нечеси жарадар болгон