Азербайжан менен Дүйнөлүк банк жаңы долбоорлорду даярдап жатышат

Азербайжан Дүйнөлүк банк менен кайра жаралуучу энергия тармагындагы долбоорлорду, анын ичинде күн энергиясын өндүрүүнү жана имараттардын чатырына панелдерди орнотуу программаларын иштеп чыгууну талкуулоодо Бул тууралуу 31-Эл аралык "Каспий мунай жана газ" көргөзмөсүнүн алкагында өткөн панелдик талкууда энергетика министринин орун басары Орхан Зейналов билдирди Министрдин орун басары белгилегендей, өлкө жашыл энергетикага өтүү процессинде жана энергиянын кайра жаралуучу булактарын өнүктүрүүгө жигердүү инвестиция салып жатат «Кийинки жылга 2 гигаватт кубаттуулукту улуттук энергетика системасына киргизүүнү жана интеграциялоону пландап жатабыз, бул 5 миллиард киловатт-саат электр энергиясын өндүрөт. Бул көмүртек жана парник газдарынын эмиссиясын 2,4 миллион тоннага азайтат, ошондой эле 1,1 миллиард куб метр газды бошотуп, аны өлкө ичинде колдонууга болот», - деди ал Анын айтымында, Дүйнөлүк банк менен биргелешип жүргүзүлгөн изилдөөнүн алгачкы жыйынтыктары өлкөдө чатырдагы күн батареяларын өнүктүрүү үчүн олуттуу потенциалды жана рынок менен инвесторлордун кызыгуусун көрсөтүп турат О.Зейналов ошондой эле Азербайжандын Энергетика министрлиги илимий-изилдөө натыйжаларын жана ага байланыштуу долбоорлорду мындан ары ишке ашырууга жана алдыга жылдырууга колдоо көрсөтүүгө даяр экенин баса белгиледи Текстте ката байкадыңызбы? Текстти тандап, тергичтен Ctrl + Enter баскычтарын басып, бизге кабарлаңыз