Азербайжан менен Евробиримдик сүйлөшүүлөрдү кайра баштады

Азербайжан менен Евробиримдик “Өнөктөштүк приоритеттеринин” текстин макулдашты жана стратегиялык кызматташуу боюнча сүйлөшүүлөрдү улантты, деп билдирди Евробиримдиктин өлкөдөгү өкүлчүлүгү "Өнөктөштүктүн 30 жылдыгына карата Баку шаарында Евробиримдик менен Азербайжандын ортосунда жемиштүү сүйлөшүүлөр өттү. Сүйлөшүүчүлөр буга чейин "Өнөктөштүк приоритеттеринин" текстин макулдашып, эки тараптуу жаңы келишим боюнча (стратегиялык өнөктөштүк боюнча) сүйлөшүүлөрдү расмий түрдө улантышкан", - деп билдирди дипломатиялык миссия 2016-жылдын 14-ноябрында Евробиримдиктин Кеңеши Еврокомиссияга жана Евробиримдиктин тышкы иштер жана коопсуздук саясаты боюнча жогорку өкүлүнө Азербайжан менен жаңы келишимди сүйлөшүү үчүн мандат берүүнү жактырды. Документ 1996-жылдагы өнөктөштүк жана кызматташтык келишимин алмаштырууга тийиш. Жаңы келишим боюнча сүйлөшүүлөр 2017-жылдын 7-февралында башталган Азербайжан менен Евробиримдиктин ортосундагы стратегиялык өнөктөштүк келишими төрт блокту камтыйт. Азыр соода-экономикалык маселелер боюнча айрым суроолор ачык бойдон калууда. Баку буга чейин документтин тексти 90% макулдашылганын билдирген. Бул келишим боюнча тараптар ортосунда акыркы бир нече жылдан бери сүйлөшүүлөр болгон эмес