Азербайжан менен ЕБ энергетикалык өнөктөштүктүн келечегине баа беришти - ФОТО

Энергетика министри Парвиз Шахбазов Еврокомиссиянын энергетика боюнча башкы дирекциясынын энергетикалык платформа жана эл аралык байланыштар тобунун директору Кристина Лобилло Борреро менен жолугушту Министрликтен билдиришкендей, жолугушууда Азербайжан менен Европа Биримдигинин энергетика тармагындагы стратегиялык өнөктөштүгүнүн маанилүүлүгү баса белгиленип, энергетикалык коопсуздук, жаратылыш газы менен камсыздоо, кайра жаралуучу энергия булактары, электр байланыштары жана аймактык энергетикалык интеграция маселелери боюнча пикир алмашылды Жолугушуунун жүрүшүндө глобалдык геосаясий процесстердин кесепеттери жана Жакынкы Чыгыштагы энергетикалык рыноктордогу кырдаал, атап айтканда, газ, мунай продуктулары жана суюлтулган жаратылыш газы менен камсыздоо маселеси талкууланды. Европа Биримдигинин энергия булактарын жана жолдорун диверсификациялоо саясатынын алкагында Азербайжан газынын маанилүү ролду ойноону улантканы белгиленди. Жаратылыш газынын энергетикалык баланста маанилүү орунду ээлегени, Азербайжандын ишенимдүү өнөктөш экени баса белгиленди Ошондой эле “Каспий – Кара деңиз – Европа” жашыл энергетика коридору долбоорун ишке ашыруунун абалы жана Европанын электр энергия рыногуна интеграциялануу мүмкүнчүлүктөрү талкууланды. Долбоор энергетикалык коопсуздукка жана ЕБнин энергия булактарын диверсификациялоого салым кошо турган стратегиялык демилгелердин бири экендиги белгиленди Жолугушууда ошондой эле энергиянын кайра жаралуучу булактарын өндүрүү, энергияны сактоо тутумдары, электр тармактарын модернизациялоо жана аймактык энергетикалык рынокторду интеграциялоо жаатындагы кызматташтыкты өнүктүрүүнүн келечеги боюнча пикир алмашуу болду Текстте ката байкадыңызбы? Текстти тандап, тергичтен Ctrl + Enter баскычтарын басып, бизге кабарлаңыз