Азербайжандын коргоо министри расмий сапар менен Сербияга барды (ФОТО)

Баку, Азербайжан, 10-июнь. Азербайжан Республикасынын коргоо министри генерал-полковник Закир Гасанов Сербия Республикасына расмий сапар менен барды, деп билдирди Трендге Коргоо министрлигиндеги булак Алгач азербайжандык делегация Белграддын Ташмайдан сейил багында улуттук лидер Гейдар Алиевдин жана көрүнүктүү серб жазуучусу Милорад Павичтин эстеликтерин, ошондой эле Милица Ракичке арналган мемориалдык комплексти зыярат кылып, алардын алдына гүлчамбарларды коюшту Андан соң иш сапарынын программасына ылайык, генерал-полковник Закир Хасанов Сербия Республикасынын Коргоо министри Братислав Гасич мырза менен жолугушту Расмий тосуп алуу аземинде эки өлкөнүн коргоо министрлери протоколго ылайык ардактуу караулдан өтүштү. Азербайжан Республикасынын жана Сербия Республикасынын мамлекеттик гимндери аткарылды Жолугушууда тараптар эки өлкөнүн ортосундагы аскердик, аскердик-техникалык жана аскердик-билим берүү тармагындагы кызматташтыктын абалы жана өнүгүү келечеги боюнча пикир алмашышты, ошондой эле аймактык коопсуздук жана эки тарапты кызыктырган бир катар башка маселелерди талкуулашты Белгилей кетсек, визиттин алкагында Азербайжандын коргоо министринин Сербиянын Буяновац шаарына жакын жерде өтүп жаткан «Платина карышкыр 26» көп улуттуу тактикалык машыгуусуна Ардактуу коноктор күнүнө катышуусу пландалууда