Казакстан менен Евробиримдиктин ортосундагы сооданын көлөмү өстү

Өткөн жылы Казакстан менен Евробиримдиктин соода жүгүртүүсү 45,2 миллиард долларга жеткен. Ал эми үстүбүздөгү жылдын төрт айында өз ара сооданын көлөмү 12,4 миллиард долларды түзсө, анын 9,27 миллиард доллары казакстандык экспортко тиешелүү. Бул тууралуу Олжас Бектеновдун төрагалыгы астында өтүп жаткан «Казакстан-Европа биримдиги» диалогдук платформасынын 19-отурумунда айтылды. Айыл чарба продукциясынын экспорту 34,3 пайызга өсүп, 266,2 миллион долларды түздү. Премьер-министр жүргүзүлүп жаткан саясий-экономикалык реформаларга жана өлкөдөгү инвестициялык климатты жакшыртуу чараларына токтолуп, бизнестин укуктарын коргоо механизмдерин күчөтүүнү тапшырды