"Axios": Трамп жана анын командасы Иранга каршы аскердик аракеттердин варианттарын талкуулашты

АКШнын президенти Дональд Трамп 18-майда улуттук коопсуздук тобу менен жолугушуу өткөрүп, Иранга каршы аскерий күч колдонуу варианттары сунушталды «Репорт» билдиргендей, бул тууралуу «Axios» булактарына таянуу менен билдирди Маалыматтарга караганда, жолугушуу алгач 19-майга белгиленген, бирок Трамп Иранга мүмкүн болуучу соккуларды кечеңдетип жатканын жарыялагандан бир нече сааттан кийин болгон Жолугушууга АКШнын вице-президенти Жей Д.Вэнс, мамлекеттик катчы Марко Рубио, Пентагондун башчысы Пит Хегсетт, атайын өкүл Стив Уиткофф, штаб башчыларынын бириккен комитетинин төрагасы генерал Дэн Кейн жана Борбордук чалгындоо башкармалыгынын директору Джон Рэтклифф катышты Маалыматка ылайык, Иранга байланыштуу кошумча чаралар, дипломатиялык мамилелердин абалы жана ыктымал чабуул сценарийлери талкууланды Эске сала кетсек, 28-февралда АКШ менен Израил Иранга каршы аскердик операциясын баштап, бир катар шаарларга абадан сокку урулган. Ошол күнү Ирандын жогорку лидери Али Хаменеи өлтүрүлгөн. Буга жооп иретинде Иран Израилдин аймагына ракеталык сокку уруп, Перс булуңундагы өлкөлөрдөгү АКШнын аскерий базаларына сокку урду Иран, АКШ жана алардын союздаштары 8-апрелге караган түнү ок атышпоо келишимине жетишти.Трамп кийин ок атышпоо келишимин белгисиз мөөнөткө узартты Тараптар Пакистанда жаңжалды жөнгө салуу боюнча сүйлөшүүлөрдү жүргүзгөн, бирок 11-12-апрелде өткөн биринчи айлампада эч кандай жыйынтык чыккан эмес АКШ Тегеранга кысым көрсөтүү үчүн Ирандын портторун жана Ормуз кысыгы аркылуу өтүүчү жолдорду блокадага алды. Иран өз кезегинде Перс булуңуна бара турган кемелер үчүн Ормуз кысыгын блокадага алганын жарыялады. Аймактагы динамикалуу өзгөрүп жаткан кырдаал глобалдык энергетикалык кризисти жаратты Аларды колдонууда сайттагы материалдарга кайрылуу маанилүү. Веб-баракчаларда маалымат колдонулганда, гипершилтеме менен шилтеме милдеттүү болуп саналат