Axios: АКШ менен Иран ок атышууну токтотуу боюнча меморандумга алыстан кол коюшу мүмкүн

АКШ, Иран жана Катар менен Пакистандын ортомчулары 14-июнда виртуалдык жолугушуу өткөрүп, өз ара түшүнүшүү меморандумуна алыстан кол коюуну пландаштырууда. Бул тууралуу Axios булактарына таянуу менен билдирди Басылманын айтымында, документ ок атышпоону 60 күнгө узартып, Ормуз кысыгын ачып, Ирандын өзөктүк программасы боюнча сүйлөшүүлөрдү баштоого тийиш Бир күн мурун АКШнын президенти Дональд Трамп Иран менен келишимге 14-июнда кол коюла турганын айткан. Бирок Ирандын Тышкы иштер министрлиги жекшемби күнү эч кандай документке кол коюуну пландабай турганын буга чейин билдирген Пакистандын премьер-министри Шахбаз Шариф 13-июнда тараптар тынчтык келишиминин акыркы текстин жакынкы 24 саатта макулдашы керек деп билдирди. Анын айтымында, ортомчулар документке мүмкүн алыстан кол коюуга даярданууда. АКШ менен Иран өкүлдөрүнүн техникалык сүйлөшүүлөрү да келерки жумага белгиленген Тынчтык келишими эки этапта түзүлөөрү күтүлүүдө. Алгач тараптар 14 пункттан турган меморандумга кол коюшат, андан соң 60 күндүн ичинде согушту биротоло бүтүрүү боюнча макулдашат Ирандын жогорку даражалуу чиновниги Reuters агенттигине билдиргендей, меморандумда АКШнын Иранга каршы мунай санкцияларын убактылуу алып салуу жана Ирандын 25 миллиард долларлык активдеринин тоңдурулгандан арылтылышы керек. Анын айтымында, АКШ Ирандын экономикасын жандандыруу планын да даярдашы керек Иран өз кезегинде Ормуз кысыгын ачып, өзөктүк курал жасабоого жана ага ээ болбоого милдеттениши керек. Акыркы макулдашууларга жетишилмейинче, Тегеран да уранды байытууну көбөйтпөйт жана өзөктүк жайларын кеңейтпейт Өткөн аптада АКШ менен Иран кайрадан активдүү согуштук аракеттерди баштады. АКШ Ирандагы аскерий объектилерге сокку урду, Тегеран болсо Жакынкы Чыгыштагы америкалык базаларга сокку уруу менен жооп берди. Иран бийликтери дагы Ормуз кысыгын жарандык кемелер үчүн кайрадан жапты 11-июнда Дональд Трамп сүйлөшүүлөрдө жылыш бар экенин билдирип, Иранды кезектеги бомбалоону жокко чыгарган. Ал тынчтык келишими буга чейин эле бекитилген деп ырастаган, бирок Тегеран муну четке какты