Европа лидерлери Чоң жетиликтин саммитинде Трамп менен жолугуп, Украинаны колдоо маселесин талкуулашат

Чоң жетиликтин саммитинин алдында Украина согуш талаасындагы ийгиликтерин АКШ президенти Дональд Трампты Орусияга каршы катаал позицияны карманууга көндүрүүгө аракет кылууда. Бул тууралуу Bloomberg билдирди Маалыматка ылайык, украин бийликтери соңку аскердик операциялардын жыйынтыктарын Вашингтондун көңүлүнө жеткирүүгө ниеттенүүдө. Киев бул ийгиликтер Орусия кысым астында сүйлөшүүгө аргасыз боло аларын көрсөтүп турат деп эсептейт Bloomberg маалымдагандай, европалык лидерлер да Дональд Трамп менен Чоң жетиликтин саммитинин алкагында жолугуп, аны Украинага байланыштуу жаңы дипломатиялык демилгелерди колдоого үндөшүүдө. Максат - Орусия, Украина, Европа жана АКШнын өкүлдөрүнүн катышуусунда тынчтык сүйлөшүүлөрүнүн башталышына жетишүү. Бул сүйлөшүүлөр июль айында жүргүзүлүшү мүмкүн УНИАН Украинанын жетекчилиги аскердик тармакта жетишилген натыйжалар Киевдин позициясын бекемдеп, эл аралык өнөктөштөрдүн колдоосун арттырууга жардам бере алат деп эсептейт деп жазат Ошол эле учурда Европа өлкөлөрү АКШнын Украина маселесине активдүү катышуусунун маанилүүлүгүн белгилешүүдө. Маалымат булактарынын айтымында, Дональд Трамптын бул процесске мамилеси келечектеги тынчтык демилгелеринин тагдырында чечүүчү ролду ойношу мүмкүн Чоң жетиликтин саммитинин алкагында Украинага аскерий жана каржылык колдоо көрсөтүү, Орусияга каршы санкциялар жана мүмкүн болгон тынчтык сүйлөшүүлөрү талкуунун негизги темаларынын арасында болору белгиленди