Евробиримдик Арменияга 30 миллион евро бөлгөн

Европа Биримдиги (ЕБ) Европа тынчтык фондунун алкагында Армениянын куралдуу күчтөрүн колдоо үчүн 30 миллион евро бөлдү. Бул жардам өлтүрүүчү куралдарды камтыбайт Бул тууралуу 5-майда Ереванда өткөн Армения-Европа биримдиги саммитинин жыйынтыгы боюнча биргелешкен билдирүүдө айтылат Modern.az Документте Арменияга жардам эки этапта ишке ашырылып, өлкөнүн туруктуулугун чыңдоого, ошондой эле анын куралдуу күчтөрүнүн келечекте эл аралык миссияларга жана операцияларга, анын ичинде Евробиримдиктин жетекчилиги астында жүргүзүлө турган иш-чараларга катышуу мүмкүнчүлүктөрүн жогорулатууга кызмат кылаары айтылат Эске сала кетсек, 2024-жылдын 23-июлунда Европа Биримдиги Европа тынчтык фонду аркылуу Арменияга биринчи жолу 10 миллион евро жардам бөлгөн. Кийинчерээк 2026-жылдын 30-январында кошумча 20 миллион евро бөлүү чечими кабыл алынган Армениянын тышкы иштер министри Арарат Мирзоян 23-мартта билдиргендей, Ереван Европалык тынчтык фондунун алкагында каржылык колдоонун үчүнчү пакетин алуу үчүн Евробиримдикке кайрылган Белгилей кетсек, Европалык Тынчтык Фонду 2021-жылы Евробиримдиктин коргонуу жана коопсуздук тармагындагы ишмердүүлүгүн, анын ичинде тынчтык орнотуу операцияларын каржылоо максатында түзүлгөн. Бирок Украинада жаңжал башталгандан кийин бул фонд Евробиримдик өлкөлөрүнүн украин армиясын курал-жарак менен камсыздоого кеткен чыгымын компенсациялоого да жумшалган