Ок атышпоого карабастан кол салуулар уланууда: Ливанда каза болгондордун саны 3 миң 558ге жетти

Ливандын Саламаттыкты сактоо министрлиги аймакта жүрүп жаткан аскердик иш-аракеттердин балансы боюнча жаңыланган маалыматтарды бөлүштү. Кечээки брифингде Израилдин кол салууларында каза болгондордун санын 3 миң 526 деп жарыялаган министрликтин кызматкерлери бул абалдын бүгүн дагы ого бетер начарлаганын билдиришти. Жаңыланган маалыматка караганда, каза болгондор көбөйүп, кол салуулардын натыйжасында жарадар болгон жарандардын саны 10 миң 870ке жетти Тараптардын 17-апрелде күчүнө кирген жана кийин 17-майдан тарта дагы 45 күнгө узартылышына чечим чыгарган ок атышпоого карабастан, талаадагы көрүнүш өзгөргөн жок. Израил армиясы кабыл алынган эл аралык консенсус чечимдерине баш ийбей, Ливандын аймагына каршы аскердик операцияларын улантууда Региондогу кризистин негиздери Израил армиясы 2-мартта Ливанга катуу абадан сокку урганда түптөлгөн.Бул мезгилде өлкөнүн түштүгүндөгү көптөгөн шаарлар израилдик аскерлер тарабынан оккупацияланган. Бул катуу кагылышуу чоң гуманитардык кризиске алып келгени менен, Ливандын өкмөтү кол салуулар башталгандан бери өлкө боюнча 1 миллиондон ашуун адам жер которгондугун жарыялады Кризистен чыгууга багытталган дипломатиялык байланыштар АКШнын ортомчулугу астында улантылып жатат. Процесстин дипломатиялык тарыхына көз чаптырсак; АКШнын президенти Дональд Трамп 24-апрелде билдирүү жасап, 17-апрелде күчүнө кирген 10 күндүк убактылуу ок атышпоо келишиминин дагы 3 аптага узартылганын жарыялады. Андан соң 14-15-майда өткөн сүйлөшүүлөрдүн үчүнчү раундунун жыйынтыгында 17-майдан тарта ок атышпоону дагы 45 күнгө узартуу чечими кабыл алынды Дипломатиялык трафиктин акыркы этабы болгон Вашингтондо өткөрүлгөн төртүнчү сүйлөшүүлөрдүн жыйынтыгында АКШнын Мамлекеттик департаменти 3-июнда жаңы билдирүү жасады. Министрлик Израил менен Ливан «толук ок атышпоо» боюнча макулдашканын жарыялады. Бирок, бул келишим; Ал “Хезболлага” чабуулдарын толугу менен токтотуп, Литани дарыясынын түштүгүнөн бардык элементтерин чыгарып кетүүсүн талап кылган. Бул жарыядан кийин “Хезболла” фронту сунуш кылынган шарттуу ок атышпоо келишимин четке какканын расмий жарыялады. Бардык жарыяланган ок атышпоо келишимдери жана дипломатиялык демилгелерге карабастан Израиль армиясынын аймактагы чабуулдары уланууда