Азия өнүктүрүү банкы аймактагы электр тармактарына 50 млрд. доллар бөлүп берет

Азия өнүктүрүү банкы (АӨБ) 2035-жылга чейин чек арадагы электр тармактарын курууга 50 миллиард доллар каражат тартууну пландаштырууда Бул тууралуу банктын президенти Масато Канда АӨБнын 59-жылдык жыйынынын алкагында Пан-Азия электр тармактары демилгеси боюнча башкаруучулардын семинарында билдирди, деп маалымдайт «APA-Economics» Анын айтымында, Пан-Азия электр тармактар ​​демилгеси (PAGI) энергетикалык чыгымдарды кыскартууга, электр менен камсыздоонун ишенимдүүлүгүн жогорулатууга жана таза энергия соодасын кеңейтүүгө багытталган Демилге 2035-жылга чейин 20 гигаваттык энергиянын кайра жаралуучу кубаттуулугун интеграциялоону, 22 миң км электр өткөргүч линияларын бириктирүүнү, 200 миллион адамдын энергиянын жеткиликтүүлүгүн жакшыртууну жана 840 миң жаңы жумуш орундарын түзүүнү караганы белгиленди