Армения салымдар боюнча карыздарынан улам ЖККУда добуш берүү укугунан ажыратылышы мүмкүн

Жамааттык Коопсуздук Келишим Уюмуна (ЖККУ) мүчө өлкөлөр уюмдун бюджетине көп жылдар бою төгүмдөрдү төлөбөгөндүктөн Арменияга каршы санкцияларды колдонуу мүмкүнчүлүгүн карап жатышат. Бул тууралуу Орусиянын тышкы иштер министри Сергей Лавров Казанда өткөн ЖККУнун тышкы иштер министрлер кеңешинин жыйынынын жыйынтыгында билдирди, деп маалымдайт ТАСС Анын айтымында, Ереван эки жылдан ашык убакыттан бери милдеттүү төлөмдөрдү төлөбөй келет. Буга байланыштуу уюмга мүчө мамлекеттер ЖККУ Уставынын 20-беренесин колдонуу мүмкүнчүлүгүн изилдөөгө ниеттенүүдө Документке ылайык, карызы бар мамлекет ЖККУнун органдарында добуш берүү укугунан жана карызы толугу менен жабылганга чейин өз өкүлдөрүн квоталык кызматтарга көрсөтүү укугунан убактылуу ажыратылышы мүмкүн. Кээ бир учурларда, уставда өлкөнүн уюмдун ишмердүүлүгүнө катышуусун токтотуу же ал тургай аны чыгаруу каралган Сергей Лавров Армения уюмдун толук кандуу мүчөсү бойдон калууда, бирок анын иш-чараларына көптөн бери катышпай жатканын белгиледи Россиянын Тышкы иштер министрлигинин башчысы ошондой эле Ереван өзүнүн келечектеги тышкы саясий курсун – Евробиримдик менен мамилени тереңдетүү жана Евразиялык экономикалык биримдикке (ЕАЭБ) мүчөлүгүн сактап калуу ортосунда чечиши керек экенин айтты Кошумчалай кетсек, Лавров Армения бийлигин НАТО менен кызматташууну күчөтүүдө деп айыптады. Анын айтымында, Армения альянс өлкөлөрү менен биргелешкен машыгууларды өткөрүп, курал-жарак сатып алууда жана НАТО жана Евробиримдиктин аскерий түзүмдөрү менен байланышта Армениянын премьер-министри Никол Пашинян буга чейин өлкөнүн ЖККУга катышуусун тоңдурууну уюм, Еревандын айтымында, 2022-жылы Тоолуу Карабакта болгон окуяларда өз милдеттерин аткарбаганы менен түшүндүргөн Буга чейин Казакстан, Орусия, Беларус жана Кыргызстандын президенттери Армениянын айланасындагы кырдаал боюнча биргелешкен билдирүүгө кол коюшкан. Өлкөгө тандоо сунушталууда: Евразиялык экономикалык биримдикте (ЕАЭБ) калуу же Европа Биримдигине (ЕБ) багыт алуу