Амангелдиев: "Керемет банк" АКШ менен Улуу Британиянын санкцияларынан чыга алат

Министрлер кабинетинин төрагасынын биринчи орун басары Данияр Амангелдиев “Керемет банкы” АКШ менен Улуу Британиянын санкциялык тизмесинен чыгарылып калышы мүмкүн экенин билдирди. Бул тууралуу ал “Азаттык” радиосуна билдирди Анын айтымында, Кыргызстан санкция маселеси боюнча диалогду улантып, атайын жол картасын иштеп чыккан "Биз АКШга, Улуу Британияга, Брюсселге бир нече жолу барганбыз. Диалог уланууда, жылыш бар. Мисалы, алар өздөрү жетиштүү далилдери жок эле "Керемет банкты" санкциялык тизмеге киргизген болушу мүмкүн деп айтып жатышат", — деди Амангелдиев Ал белгилегендей, кыргыз тараптын позициясына ылайык, банктын санкцияларды айланып өтүүгө катыштыгы бар экенине эч кандай далил жок "Биз мунун баарын далилдеп жатабыз жана жакынкы келечекте "Керемет банкы" санкциялардан чыгышы мүмкүн. Бул ишти улантуу керек. Арыздар менен дооматтардан эч кандай пайда болбойт. Диалог керек", - деп кошумчалады министрлер кабинетинин жетекчисинин биринчи орун басары Амангелдиев ошондой эле Евробиримдиктин Орусияга каршы санкцияларынын 20-пакетинде Кыргызстан тууралуу сөз болгонуна да токтолду. Анын айтымында, киргизилип жаткан чектөөлөр негизсиз Буга чейин Евробиримдик Орусияга каршы санкциялардын 20-пакетинин алкагында Кыргызстан менен байланышкан бир катар түзүмдөрдү чектөөгө киргизген. Евробиримдиктин документтерине Meer платформасын башкарган «Tengri Coin» ЖАК, ошондой эле «Керемет Банк» жана «Капитал Банк» кирди. Банктарга коюлган чектөөлөр 2026-жылдын 14-майында күчүнө кирет. Евробиримдик өз чечимдерин санкцияларды айланып өтүү тобокелдиктери жана товарлардын Орусияга мүмкүн болгон реэкспорту менен түшүндүрдү Британ парламентинин депутаттары ошондой эле Британиянын тышкы иштер министри Иветт Куперди Кыргызстандын азыркы жана мурдагы чиновниктерине жеке санкцияларды киргизүүгө чакырды. Катта алар криптовалюта базарлары аркылуу санкцияларды айланып өтүүнүн мүмкүн болгон схемалары жөнүндө сөз кылган Генри Джексон коомунун отчетуна кайрылышкан Рубльге байланган орусиялык A7A5 стабилкоин британиялык парламентарийлердин өзгөчө тынчсыздануусун жаратты. Алардын айтымында, ал Кыргызстанда сатылат жана ал аркылуу 100 миллиард доллар өтсө болмок. Кайрылуу авторлору ошондой эле Кыргызстан санкцияларды айланып өтүүдө, анын ичинде Евробиримдиктен импортту жана Орусия менен сооданы көбөйтүүдө чоң роль ойнойт деп белгилешкен