Түркиянын Европа Биримдигине мүчөлүгүнө Германиянын колдоосу

(БЕРЛИН) –Германиянын тышкы иштер министри Йоханн Вадефул Түркиянын Европа Биримдигине мүчөлүк аракетин колдогондорун белгилеп, Анкара менен Брюсселдин ортосундагы стратегиялык карым – катнаштарды күчтөндүрүүнүн маанисине көңүл бурду. Берлинде Хакан Фидан менен маалымат жыйын өткөргөн Вадефул Түркиянын аймактык кризистерде маанилүү актер экенин баса белгиледи Германиянын тышкы иштер министри Иоганн Вадефул немис өкмөтүнүн Түркиянын Европа Биримдиги (ЕБ) менен жакындашуу процессин колдогонун жарыялады. Германиянын тышкы иштер министри Иоганн Вадефул тышкы иштер министри Хакан Фидан менен Берлинде өткөргөн биргелешкен пресс-конференцияда Түркиянын Европа Биримдигине толук мүчө болуу аракетин улантуусун кубаттагандарын айтты Вадефул Түркиянын Европа Биримдигине кирүү үчүн бардык мүчөлүк критерийлерине жооп бериши керектигин белгилеп, Түркия менен ЕБнин ортосундагы стратегиялык карым-катнаштарды күчтөндүрүүнүн Германия үчүн маанилүү экенин баса белгиледи. Ал Түркиянын Украина согушуна жана Ирандагы окуяларга таасир этүү потенциалына ээ экенин белгиледи Тышкы иштер министри Хакан Фидан Анкаранын приоритетинин Иран менен АКШнын ортосундагы сүйлөшүүлөрдө Пакистандын ортомчулук демилгелерин колдоо жана азыркы ок атышпоо келишимин сактоо экенин айтты Фидандын Берлинге сапары Түркия менен Германиянын ортосундагы «стратегиялык тышкы иштер диалогунун» алкагында өттү. Германиянын канцлери Фридрих Мерц октябрь айында Түркияга жасаган алгачкы расмий иш сапары учурунда президент Режеп Таййип Эрдоган менен бул механизмди кайра ишке киргизүү боюнча келишим түзүлгөнүн жарыялаган. 2013-жылы башталган стратегиялык тышкы иштер диалог механизми бүгүнкү күнгө чейин эки жолу гана ишке ашырылган