Акчабарда мамлекеттик активдер 61 миллиард сомго көбөйдү

Кыргызстандын мамлекеттик активдеринин көлөмү мамлекеттик сектордун консолидацияланган финансылык отчетун тактоодон кийин 61 миллиард сомдон ашык өстү. Бул тууралуу Эсеп палатасынын Жогорку Кеңешке берген расмий отчетунда айтылат 2025-жылы жүргүзүлгөн аналитикалык изилдөөнүн жүрүшүндө Эсеп палатасынын адистери бухгалтердик эсеп системасында олуттуу мүчүлүштүк бар экенин аныкташкан. Ири мамлекеттик ишканалардын таза активдери консолидацияланган финансылык отчетто чагылдырылган эмес жана иш жүзүндө мамлекеттик активдерге киргизилген эмес Белгиленген каталарды четтетүү үчүн Эсеп палатасы Финансы министрлиги менен бирдикте финансылык отчеттуулукту оңдоо иштерин жүргүздү. Натыйжада бардык аныкталган кемчиликтер четтетилди Өзгөртүүлөр киргизилгенден кийин өлкөнүн расмий консолидацияланган отчетунда чагылдырылган мамлекеттик активдердин жалпы көлөмү 61 миллиард 158,5 миллион сомго көбөйдү Эсеп палатасы жүргүзүлүп жаткан иштер мамлекеттин финансылык абалын так чагылдырууга, отчеттуулукту эл аралык стандарттарга шайкеш келтирүүгө жана мамлекеттик мүлктү эсепке алуунун ачыктыгын жогорулатууга мүмкүндүк бергенин белгиледи Кабардар болуңуз! Биздин Telegramга жазылыңыз