Түркияда Акиф Аширлинин «Азербайжан басмасынын тарыхы» аттуу китеби басылып чыгууда

“Шарк” гезитинин башкы редактору, Баку мамлекеттик университетинин журналистика факультетинин окутуучусу, эмгек сиңирген журналист Акиф Аширлинин “Азербайжан басмасынын тарыхы” аттуу эки томдук китеби Түркияда басууга даярдалууда Бул тууралуу маалымат берген А.Асырлы Стамбул университетинин Түрк таануу институтунун докторанты Буржу Жанбейдин чыгарманы түрк тилине ыңгайлаштырып бүтүргөнүн билдирди «Mavi Gok Yayınları» жакынкы аралыкта китепти кеңири тираж менен басып чыгара баштайт. Китеп азербайжан адабияты жана басма сөз тарыхын изилдөөчү профессор Явуз Акпынардын баш сөзү менен жарык көрөт А.Аширли 150 жылдык мезгилди камтыган эки томдон турган китеп Азербайжанда бир нече жолу басылып чыкканын, басма сөз тарыхынын өнүгүү жана төмөндөө этаптарын чагылдырганын билдирди. Жогорку окуу жайларынын журналистика факультеттеринин бакалаврларына жана магистрлерине арналып, басма сөздүн бардык идеологиялык этаптарын хронологиялык көз караштан камтыган бул китеп кошумча фактылардын жана документтердин негизинде оңдоп-түзөөдөн өткөн. Түркиянын басма сөз тарыхы боюнча алгачкы толук булак боло турган китептин илимий чөйрө тарабынан жылуу кабыл алынаарына ишеним артканын билдирген А.Аширли китептин бет ачары Түркияда да пландалып жатканын белгиледи