Евробиримдик Орусиянын чектөөлөрүнүн таасирин азайтуу үчүн Арменияга чукул соода жардамын даярдап жатат

Европа Биримдиги Орусия киргизген импорттук чектөөлөрдүн таасирин жоюу үчүн Арменияга чукул соода колдоо пакетин даярдап жатат Бул тууралуу "Financial Times" жазып чыкты Басылманын пландары менен тааныш төрт булакка шилтеме жасап жазганына караганда, Еврокомиссия Армениянын азык-түлүк жана айыл чарба продукцияларын экспорттоодогу бажы төлөмдөрүн кыскартууга багытталган автономдуу соода чараларынын үстүндө иштеп жатат Маалым болгондой, бул демилге Орусия жакында Арменияда өткөн парламенттик шайлоонун алдында киргизген импорттук чектөөлөргө жооп катары иштелип чыккан. Брюсселде алар бул кадамдар армян өкмөтүнө кысым көрсөтүү максатында болгон деп эсептешет "Азыр аларды колдоого жана биз ишенимдүү өнөктөш экенибизди көрсөтүүгө убакыт келди. Арменияга достор керек жана биз коңшубузду коргошубуз керек", - деди ФТнын маектештеринин бири Кабарларга караганда, Европа Биримдигине кирген өлкөлөрдүн көпчүлүгүнүн жана Европарламенттин макулдугун талап кылган чаралар Орусия тыюу салган 20га жакын товар категориясынын көбүн камтыйт. Ал продукциянын жылдык баасы болжол менен 420 миллион еврону түзөт Бул маселени Евробиримдиктин тышкы иштер министрлери ушул аптада Люксембургда Армениянын тышкы иштер министри менен жолугушууда да талкуулашты Еврокомиссиянын басма сөз катчысы Олоф Гилл FT телеканалына билдиргендей, сунушталып жаткан чаралар негизинен армян компанияларынын ЕБ рыногуна кирүүсүн камсыздоого жана өлкөнүн экономикасынын эң көп жабыркаган секторлорун колдоого багытталган