Евробиримдик Карабакта жана башка аймактарда жаңы долбоорлорду иштеп чыгууда

Европа Биримдиги (ЕБ) Карабакта жана аймактарда ишкерликти колдоо боюнча жаңы долбоорлорду даярдап жатат Бул тууралуу Евробиримдиктин (ЕБ) Азербайжандагы өкүлчүлүгүнүн кызматташтык бөлүмүнүн башчысы Виктор Бойков Евробиримдик-Азербайжан өнөктөштүгүнүн 30 жылдыгына жана Гянджада ишке ашырылган долбоорлорго арналган брифингде билдирди, деп маалымдайт 525.az Ал Евробиримдик Азербайжандын аймактарында ишке ашырылып жаткан долбоорлорго ар дайым өзгөчө маани берип келгенин жана бул багыттагы иш-аракеттерин улантып жатканын айтты. Мисал катары Гянджада ишке ашырылып жаткан долбоорлорго көңүл бурган дипломат Евробиримдиктин колдоосу менен Гянджада суу ресурстарын башкаруу жана шаардын көчөлөрүн жарыктандыруу системасын жаңылоо долбоорлору ишке ашырылганын айтты: “Гянджа үчүн заманбап жана энергияны үнөмдөөчү көчөлөрдү жарыктандыруу системасын түзүү коопсуздук жагынан да, энергияны үнөмдөө жагынан да маанилүү Гянджада ишке ашырылып жаткан негизги инвестициялык долбоорлордун бири катуу тиричилик калдыктарын башкарууга байланыштуу Бул долбоордун алкагында Европа реконструкциялоо жана өнүктүрүү банкы (ЕРӨБ) тарабынан 10 миллион евро насыя бөлүнүүдө. Евробиримдик бул насыяны колдоо үчүн 4,1 миллион евро грант берет. Виктор Бойков долбоордун алкагында атайын жүк ташуучу унаалар жана таштанды ташуучу контейнерлер сатылып алынарын белгиледи: «Жакынкы аралыкта бул техниканы Гянджа шаарынын көчөлөрүнөн көрүүгө болот. Мындан тышкары, автотранспортту көзөмөлдөө системасы жана таштандыларды чогултуу “акылдуу” системасы да ишке ашырылат” Виктор Бойков ошондой эле Ленкаран жана Астара облустарындагы жылдык бюджети 15 миллион евро болгон программа тууралуу айтып берди Анын айтымында, ал долбоордун алкагында жергиликтүү айыл чарба өндүрүүчүлөрүнө колдоо көрсөтүлүп, программа олуттуу жыйынтыктарды берди Евробиримдиктин расмий өкүлү Карабак аймагында Европа реконструкциялоо жана өнүктүрүү банкы (ЕРӨБ) менен биргеликте жаңы инвестициялык долбоор даярдалып жатканын айтты: «Бул долбоор жергиликтүү ишкерликти, өзгөчө чакан ишкерликти өнүктүрүүгө түрткү берүүгө багытталган. деп кошумчалады В.Бойков Ал белгилегендей, ишке ашырылып жаткан долбоорлордун айрымдары жалпы коомчулукка анчалык көрүнбөй калышы мүмкүн Ошол себептен аймактарды кыдырып, жергиликтүү коомчулук жана ЖМК өкүлдөрү менен жолугуп, ишке ашырылып жаткан долбоорлор шаарларга жана коомчулуктарга кандай пайда алып келерин түшүндүрүүгө аракет кылабыз», - деди ал