Адилет министри Акын Гүрлек: "Түрк сотторуна эч ким сөөмөйүн көрсөтө албайт"

Адилет министри Акын Гүрлек социалдык медиа эсебинен бөлүшкөн билдирүүсүндө Түркиянын көз карандысыз, эгемен жана демократиялуу бир укуктук мамлекет экенине көңүлдөрдү бурду. Түркиядагы сот процесстеринин эл аралык чөйрөлөр тарабынан көзөмөлгө алынышы өлкөнүн демократиялык жетилгендигинин жана ачык-айкындыгынын көрсөткүчү экенин белгилеген Гүрлек, жүрүп жаткан иштер боюнча сот алдында айтылган билдирүүлөрдү сынга алып, бул мамиленин түздөн-түз түрк сот системасын бутага алганын жана сот процесстерин саясий кысымга алуу үчүн кабыл алынгыс бир мамиле экенин баса белгиледи Сот процесстеринин негизин эске салган министр Гүрлек, чечимдердин саясий күн тартибине, идеологиялык күтүүлөрүнө жана чет элдик парламентарийлердин лобби иштерине ылайык түзүлбөгөнүн белгиледи. Процесс Конституцияга, мыйзамдарга, делодогу далилдерге жана көз карандысыз соттордун кароосуна ылайык гана жүргүзүлүп жатканын белгилеп, «Бул жерде эч ким түрк сотторуна сөөмөйүн көрсөтө албастыгын, жүрүп жаткан сот процесстерине таасир этүүгө, түрк сот системасына басым жасоого жана өлкөбүздүн ички иштерине кийлигишүүгө аракет кыла албастыгын ачык айтып жатам»,-деди Түркиянын өтмүштөн бүгүнкү күнгө чейинки күрөшүнө жана учурдагы абалына токтолгон Гүрлек, президент Режеп Таййип Эрдогандын жетекчилигиндеги процессти эске салды. Түркиянын камкордук борборлоруна, төңкөрүш аракетине, террордук уюмдарга жана сырттан демократия сабактарын берүүгө аракет кылган чөйрөлөргө каршы ар дайым улуттук эркин сактап бүгүнкү күнгө жеткенин айтты Өлкөнүн өз мыйзамын ишке ашыра турган, демократиясын коргоо эрки жана келечегин аныктоочу эгемендүүлүгү менен улуу мамлекет экенин белгилеген министр Гүрлек: «Улуттук эркибизди, соттук уюмубузду жана мыйзам мамлекетибизди бутага алган эч кандай саясий күн тартибине жол бербейбиз»,-деди