Евробиримдик Украинага 90 миллиард евро кредитти жактырды, Зеленский толук кандуу мүчө болууга чакырды

Европа Биримдиги Венгриянын каршылыгынан улам көптөн бери токтоп турган Украина үчүн 90 миллиард евролук насыя пакетин бекитти Украинанын президенти Владимир Зеленский насыя алуу чечиминен кийин биримдикке толук мүчө болууга чакырды Зеленский журналисттерге: "Украина Евробиримдиктин символикалык мүчөлүгүнө муктаж эмес. Биз жалпы европалык баалуулуктарды коргойбуз. Мен Евробиримдиктин толук мүчөлүгүнө татыктуубуз деп эсептейм" деди Украин лидери X платформасынан бийликтен ажыраган Венгриянын премьер-министри Виктор Орбан бөгөт койгон 90 миллиард евро насыяга байланыштуу билдирүү менен бөлүштү Зеленский : «Бүгүн коргонуубуз жана Европа Биримдиги менен карым-катнашыбыз үчүн маанилүү күн. Украинага Европанын колдоо кредитине болгон тоскоолдук жоюлду. Эки жылда 90 миллиард евро»,-деди Зеленский Евробиримдиктин лидерлери менен 23-24-апрель күндөрү Евробиримдиктин төрагалыгы Кипрде өтө турган мамлекет жана өкмөт башчыларынын саммитинде жолугушат Виктор Орбан насыяны 2025-жылдын декабрында жактырган.Бирок февраль айында ал оюнан кайткан жана мүчө өлкөлөрдүн бир добуштан болушун талап кылган насыяга бөгөт койгон Анын себеби катары орусиялык арзан мунай Украина аркылуу Венгрия, Словакия жана Чехияга ташыган совет доорунан калган «Дружба» мунай кууруна жасалган чабуулду атады Украина бул чабуулду Орусия жасады деп ырастады Мунайдын агымы куурга пилотсуз учактын чабуулунан улам үзгүлтүккө учурады Зыян оңдолгонго чейин насыяга тоскоол болоорун жарыялаган Виктор Орбандын мындай мамилеси Евробиримдик башкаруучулугунда кыжырданууну жаратты Орбан да шайлоо кампаниясында бул жаңжалды колдонуп, өлкөсү мунай блокадасында деген теманы колдонгон Он алты жыл бийликте тургандан кийин 12-апрелдеги шайлоодо Орбан бийликтен ажыраган Кредиттик туюктан украин лидери Зеленскийдин 21-апрелдеги куур оңдолуп, иштей башташы мүмкүн деген билдирүүсү менен жоюлду Венгрия, Словакия жана Чехия мунай агымы кайра жанданганын ырасташты Акыркы бекитүү 23-апрель, бейшемби күнү Евробиримдиктин элчилери тарабынан башталган процесске каршылык билдирилбегенден кийин берилди Быйыл Брюссель акырындык менен Киевге жалпысынан 45 миллиард евро которот, анын ичинде 16,7 миллиард евро каржылык колдоо жана 28,3 миллиард евро аскердик колдоо Төлөмдөр Киевдин реформа боюнча милдеттенмелерин аткарышы менен шартталат Коррупцияга каршы күрөштө кандайдыр бир артка кадам жасалса, жардам убактылуу токтотулат Мындан тышкары, насыянын аскердик жагында АКШ продукциясына эмес, европалык продукцияга артыкчылык берилиши керек деген шарт бар Калган 45 миллиард доллар келерки жылы Украинанын каржылык муктаждыгынын үчтөн экисине жумшалат. Калган үчтөн бир бөлүгүн батыш союздаштары каптайт Бул насыя чынында грант дегенди билдирет Анткени Орусия качандыр бир күнү согуштук компенсацияларды төлөп берүүгө макул болгондо гана кайра талап кылынат, Москва муну кескин четке кагат